«Հրապարակի» լուրը հաստատվեց
Tue, 29 Sep 2026 22:43:10 +0400
Սեպտեմբերի 29-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։ Այս մասին տեղեկացնում են կուսակցությունից։ Վարչության որոշմամբ Աբովյան համայնքում կայանալիք ՏԻՄ ընտրություններում «Քաղաքացիական պայմանագիր» կուսակցության ցուցակը կգլխավորի Հովհաննես Աբրահամյանը։ Քննարկվել են ԱԺ-ում քննիչ հանձնաժողովի ձևավորմանն առնչվող, ինչպես նաև օրակարգային այլ հարցեր։ Հիշեցնենք, որ շաբաթներ առաջ «Հրապարակը» գրել էր, որ Հովհաննես Աբրահամյանն է Աբովյանում ՔՊ-ի թեկնածուն: Նա Հրազդանի անտառտնտեսության տնօրենն է: