Opel-ի առեղծվածը
Wed, 30 Sep 2026 13:48:02 +0400
ՔՊ-ական պատգամավոր Կարեն Համբարձումյանը լրագրողների հետ զրույցում անդրադարձել է իր եղբոր «Opel» մակնիշի ավտոմեքենայի՝ 2 մլն դրամով վարձակալության վերաբերյալ հրապարակումներին։
Պատգամավորի խոսքով՝ նշված 2 մլն դրամը մեկ տարվա համար նախատեսված գումարն է։ Նրա հաշվարկով՝ դա ամսական մոտ 150 հազար, իսկ օրական՝ շուրջ 5 հազար դրամ է։
Համբարձումյանը նշել է, որ մեքենայի վարձակալության գործընթացն իրականացվել է մրցույթի միջոցով, և եթե որևէ անձ կամ ընկերություն ցանկանար նույն ծառայությունը մատուցել օրական 5 հազար դրամով, կարող էր մասնակցել մրցույթին։
Նա ընդգծել է, որ մրցույթը բաց է եղել, և առաջարկը պայմանավորված է եղել համայնքի ու դպրոցի կարիքների համար ծառայություն ապահովելու նպատակով։
Պատգամավորի խոսքով՝ եթե որևէ մեկի համար օրական 5 հազար դրամով այդ ծառայությունը մատուցելը շահավետ էր, ապա կարող էր մասնակցել մրցույթին և ներկայացնել իր առաջարկը։