Դատարանի նպատակը եղել է Էդգար Ղազարյանին պատգամավորական մանդատից զրկելը
Fri, 02 Oct 2026 00:09:28 +0400
Դատարանն այսօր ՀՀ ԱԺ պատգամավոր Էդգար Ղազարյանի նկատմամբ նշանակեց ազատազրկման պատիժ՝ այն պայմանականորեն չկիրառելով։
Պարոն Ղազարյանին մեղսագրված հանցանքի վերաբերյալ դատական պրակտիկայի ուսումնասիրությունը ցույց է տալիս, որ սա առաջին դեպքն է, երբ նշանակվում է ազատազրկման պատիժ։
Գտնում եմ, որ դատարանը, ընտրելով հենց այս պատժատեսակը, նպատակ չի ունեցել ապահովելու պատժի նպատակների իրագործումը։ Դրա միակ նպատակը եղել է պարոն Ղազարյանին պատգամավորական մանդատից զրկելը։
Այլ կերպ ասած՝ դատարանն իրագործել է քաղաքական իշխանության՝ հրապարակայնորեն արտահայտած ցանկությունը։
Փաստաբան Արսեն Բաբայան