Ժողովուրդն ավելի խոր ընկղմվեց կեղծ խաղաղության ու իրական պատերազմի հորձանուտը

Ժողովուրդն ավելի խոր ընկղմվեց կեղծ խաղաղության ու իրական պատերազմի հորձանուտը

Sat, 03 Oct 2026 17:15:29 +0400


ՊՆ Պապիկյան Սուրենի զորամասային և հատկապես ճաշարանային ստուգումներն անհեթեթ քարոզչական ակցիաներ են: Գրեթե նույն բնույթի էր վարչապետի պաշտոնը զբաղեցնող անձի կողմից օլիգարխիական մասնավոր ինքնաթիռի սալոնում «նասկիներ, տապոչկեք կամ լոսյոն» ցուցադրելու պահը: Իշխանության իններորդ տարում Նիկոլենք վարվում են այնպես, ինչպես անում էին իշխանափոխության առաջին ամիսներին: Երբ դեռևս «դուխով» Նիկոլը ֆեյսբուքյան լայվեր էր անում նախագահական պալատից կամ Կոնդի կառավարության առանձնատնից, ցուցադրում էր առանձնատան սանհանգույցն ու խոհանոցը: Ինչը ժամանակին հսկայական ազդեցություն էր թողնում կիսագրագետ զանգվածների վրա: Բայց նրա վարչապետությամբ երկրին պատուհասած այդքան արհավիրքներից հետո նույնը կամ նման բան անելն ընդամենը հիմարության նշան է: Քանի որ վաղուց պատմության գիրկն են անցել թե՛ «դուխով» գրությամբ կեպին և թե՛ դրա ազդեցությունը զանգվածների վրա:

Այսօր մեր ժողովրդի թե՛ գրագետ ու թե՛ կիսագրագետ հատվածներին առաջին հերթին հուզում է անվտանգության խնդիրը: Ինչը գեներացվեց «չշշկռվելիք» գերագույնի հրամանատարությամբ 44-օրյա պատերազմի խայտառակ պարտությամբ: Ու ծայրահեղ լարվածության հասցվեց կրկին վերջինիս կողմից ԱԺ ընտրությունների քարոզչության ժամանակահատվածում: Ինչի համար ինքն ամենամեծ պատժի է արժանի իշխանափոխությունից հետո՝ եթե նույնիսկ վերացարկվենք մնացած ողբերգություններից: Որովհետև, ինչը բազմիցս եմ ասել, երբեմնի «դուխով» Նիկոլը, որպես խայտառակ պարտության խորհրդանիշ, ԱԺ քարոզչության օրերին ջարդեց այն ամենի մնացորդը, ինչը ձևավորվել էր Արցախյան հաղթական պատերազմի շնորհիվ: Այսինքն, 100 տարի առաջվա ցեղասպանվածի հոգեբանության աստիճանական վերացմանը հայ մարդու միջից:

Չգիտեմ, գիտակցում էր նա դա, թե ոչ: Եթե գիտակցում էր, ինչն ավելի է ճշմարիտ է թվում, ապա գիտակցորեն փորձում էր ձևավորել խեղճ ու կրակ հավաքականություն: Որը պետք է անմռունչ կրեր բոլոր հալածանքներն ապագա «արևմտյան Ադրբեջանում»: Բայց այդ դեպքում ինքը ևս դժվար թե մնար իր պաշտոնին: Իսկ այդ անձի համար պաշտոնն ու կյանքը գտնվում են նույն հարթության վրա: Բայց մեկ-մեկ մտածում եմ, որ ինքը դա չէր անում գիտակցորեն: Որովհետև նրա ուղեղը մթագնվել էր իշխանությունը կորցնելու սպառնալիքից: Ու ամեն ինչ անում էր դա թույլ չտալու համար՝ առանց հետևանքների մասին մտածելու: Այսօր դժվար է ասելը, թե որ տարբերակն է, այնուամենայնիվ, համապատասխանում իրականությանը: Սակայն հստակ է մի բան՝ նախընտրական քարոզչությունն էլ ավելի խեղճացրեց պարտությամբ խեղճացված ողջ հասարակությանը: Ու առօրեական իրադարձություններից դուրս եկող յուրաքանչյուր դիպված ծանր հարված է հասցնում մարդկանց հոգեվիճակին:

Դրա վերջին դրսևորումը զենքով զորամասը լքած ադրբեջանական զինվորի պատմությունն է: Այն ցուցադրեց, թե որքան վախեցած և անպաշտպան է իրեն զգում հանրությունը, որքան էլ նրա կին անդամը համարձակորեն փորձեր դանակով պաշտպանվել ավտոմատավոր թշնամուց: Ով կմնա թշնամի, քանի Ադրբեջանի ղեկավարը հայատյացություն սերմանող Իլհամն է՝ թեկուզ Նիկոլը վերածվի իսկական խաղաղության աղավնու: Էլ չասած, որ պարտված հարևան երկրի տարածք փախած՝ զորամասը լքած ադրբեջանցին իրեն չի պահում փախստականի նման:
Այդ պատմությունը միաժամանակ վկայեց, որ ադրբեջանական զորամասից փախած մեկ ավտոմատավոր զինվորը Փաշինյանի վարչապետության պատճառով հայաստանյան երկու ռազմական գերատեսչություն՝ ԱԱԾ և ՊՆ, արժե: Այդ պատմությունը նաև հերթական անգամ վկայեց, որ հայաստանյան ուժայինների գաղտնապահությունը քոռ կոպեկի արժեք չունի: Եվ իբր թե հանրությանն անհիմն չանհանգստացելու պրակտիկան ավելի շատ հակառակ ազդեցություն է գործում: Այնպես որ, հունիսի 7-ին կրկին Նիկոլ, բայց այս անգամ «խեղճ ու հարիֆ» Նիկոլ, ընտրելով՝ մեր ժողովուրդը «տեր չեղավ խաղաղությանը», ինչպես վարչապետի աթոռից կառչած անձն էր քարոզում: Այս անգամ ավելի մեծ խորությամբ ընկղմվեց կեղծ խաղաղության ու իրական պատերազմի հորձանուտը:

© 2026 Secure News Portal

Source: Hraparak

Hraparak.am

Recent Posts

Միասին այսօր գնացինք բանտ, որ եղբայրս կարողանա շնորհավորել որդուն

Միասին այսօր գնացինք բանտ, որ եղբայրս կարողանա շնորհավորել որդուն Tue, 17 Nov 2026 00:24:12 +0400…

3 ժամ ago

Լուսինե Բեկչյանն ազատվել է պաշտոնից

Լուսինե Բեկչյանն ազատվել է պաշտոնից Tue, 17 Nov 2026 00:19:41 +0400 Ազգային ժողովի նախագահ Ռուբեն…

3 ժամ ago

Քիմ Քարդաշյանը` Louis Vuitton-ի բուժքրոջ կերպարում

Քիմ Քարդաշյանը` Louis Vuitton-ի բուժքրոջ կերպարում Mon, 16 Nov 2026 23:50:02 +0400 Քիմ Քարդաշյանն առանձնահատուկ…

3 ժամ ago

Գնալուդ ժամանակն է, Նիկոլ ջան

Գնալուդ ժամանակն է, Նիկոլ ջան Mon, 16 Nov 2026 23:45:20 +0400 Երբ եկար լավն էիր…

3 ժամ ago

Ինչո՞վ է առանձնահատուկ 2,5 միլիոն դոլար արժողությամբ ժամացույցը

Ինչո՞վ է առանձնահատուկ 2,5 միլիոն դոլար արժողությամբ ժամացույցը Mon, 16 Nov 2026 23:30:09 +0400 Շվեյցարական…

4 ժամ ago

TikTok-ում տարօրինակ թրենդ է տարածվում

TikTok-ում տարօրինակ թրենդ է տարածվում Mon, 16 Nov 2026 23:07:05 +0400 TikTok-ում մեծ թափ է…

4 ժամ ago