Բոլորի հետ, բացի Իրանից․ Թրամփն հերթական վերջնագիրը
Sun, 04 Oct 2026 12:00:44 +0400
ԱՄՆ նախագահ Դոնալդ Թրամփը հայտարարել է, որ կարևոր է լավ հարաբերություններ պահպանել Հյուսիսային Կորեայի առաջնորդ Կիմ Չեն Ընի հետ, քանի որ Փհենյանը միջուկային զենք ունի։
Նա այս հայտարարությունն արել է Օհայոյում իր նախընտրական հանրահավաքի ժամանակ, հաղորդում է Հարավային Կորեայի «Յոնհապ» լրատվական գործակալությունը։
«Ես լավ եմ հասկանում Կիմ Չեն Ընին։ Երբ մեկը 112 միջուկային հրթիռ ունի, կարևոր է նրա հետ լավ լինել», – ասել է ԱՄՆ նախագահը Օհայոյում ունեցած ելույթի ժամանակ։
Օգոստոսին ԱՄՆ նախագահը հայտարարել էր, որ Հյուսիսային Կորեան 57 միավոր միջուկային զենք ունի։
Ամերիկացի առաջնորդը նաև նշել է լավ հարաբերությունների կարևորությունը միջուկային զենք ունեցող այլ պետությունների առաջնորդների հետ։
«Նախագահ Սի Ծինփինը հենց նոր մեկնեց», – ասել է Թրամփը՝ անդրադառնալով Չինաստանի առաջնորդի ԱՄՆ կատարած պետական այցին։
«Մի՞թե լավ չէ լավ հարաբերություններ ունենալ վիթխարի երկրների, միջուկային պետությունների առաջնորդների հետ։ Մի՞թե հիանալի չէ լավ հարաբերություններ ունենալ», – հարցրել է ամերիկացի առաջնորդը։
Թրամփը հավելել է. «Կա տարբերություն։ Իրանը երբեք միջուկային մարտագլխիկով հրթիռ չի ունենա»։