Եթե տրվեինք հույզերին, Երևանի կենտրոնում կկանգնեցվեր ․․․ Ալիևի լկտի արտահայտությունը
Sun, 04 Oct 2026 16:45:03 +0400
Ադրբեջանի նախագահ Իլհամ Ալիևի սոցիալական ցանցերի էջերում հրապարակվել է իշխող «Նոր Ադրբեջան» կուսակցության 8-րդ համագումարում նրա ելույթի տեսանյութը։
Այս մասին հայտնում են այդ երկրի ԶԼՄ-ները։
Նշվում է, որ տեսանյութում պետության ղեկավարի կողմից համագումարում արված հայտարարություններն են։
«Քաղաքականության մեջ հույզերի տեղ չկա։ Եթե մենք տրվեինք հույզերին, այսօր, հավանաբար, Իրեվանի (նկատի ունի Երևանը-խմբ․) կենտրոնում կկանգնեցվեր երրորդ Հաղթանակի կամարը», – ասվում է տեսանյութին կից մակագրության մեջ, որոնք ավելի վաղ լկտիաբար արտաբերել էր հայատյաց բռնապետը։