Նպատակը շարունակում է մնալ այս իշխանությունների հեռացումը
Mon, 05 Oct 2026 12:47:54 +0400
ԱԺ «Հայաստան» խմբակցության պատգամավոր Աննա Գրիգորյանը հայտարարել է, որ պետք չէ թերագնահատել ԵԽԽՎ զեկույցում արձանագրված ընտրախախտումների դեպքերը՝ առանձնահատուկ ընդգծելով ԲՀԿ-ին վերաբերող դեպքը։
Նրա խոսքով՝ խոսքը զանգվածային բնույթ ունեցող խախտումների մասին է, իսկ ԲՀԿ-ի հետ կապված արձանագրված դեպքը, իր գնահատմամբ, աննախադեպ է։
Գրիգորյանը պնդել է, որ գործող իշխանությունը վերարտադրվել է՝ չստանալով ընտրողների ձայների 50 տոկոսից ավելին։ Նրա գնահատմամբ՝ սա նշանակում է, որ քաղաքացիների մեծամասնությունը քվե չի տվել գործող իշխանությանը, և քաղաքական մեծամասնությունը ձևավորվել է օրենքով սահմանված մեխանիզմների արդյունքում։
Պատգամավորը նաև անդրադարձել է ընդդիմության հետագա քաղաքական պայքարին՝ նշելով, որ իրենց հիմնական նպատակը շարունակում է մնալ գործող իշխանության հեռացումը։
Նրա խոսքով՝ այդ պայքարը շարունակվելու է ինչպես խորհրդարանական գործիքների կիրառմամբ, այնպես էլ փողոցային պայքարի միջոցով։ Գրիգորյանը կարևորել է նաև ընդդիմադիր ուժերի համախմբումը՝ ընդգծելով, որ ցանկալի արդյունքի հասնելու համար անհրաժեշտ է ամբողջ ընդդիմադիր դաշտի համատեղ և համակարգված աշխատանքը։