«Հայաստանը մեզ պետք է տրամադրի․․․»․ Ալիևը նոր պահանջ ունի

«Հայաստանը մեզ պետք է տրամադրի․․․»․ Ալիևը նոր պահանջ ունի

Wed, 07 Oct 2026 13:00:55 +0400


Ադրբեջանի նախագահ Իլհամ Ալիևն այսօր ուղերձ է հղել Բաքվի երկխոսության շրջանակներում անհետ կորած անձանց հարցերով 4-րդ միջազգային համաժողովի մասնակիցներին, փոխանցում են տեղի լրատվամիջոցները։ Նրա խոսքով, «անհետ կորած անձանց հարցը զինված հակամարտությունների ամենածանր հետևանքներից մեկն է, և որ Ադրբեջանն այս հարցին մոտենում է որպես համընդհանուր մարդասիրական խնդիր, որը ազդում է աշխարհի տարբեր տարածաշրջաններում մարդկանց կյանքի վրա»։

Իր ուղերձում Ալիևը հիշատակել է նաև Վաշինգտոնում՝ Հայաստանի հետ ստորագրված հռչակագիրը՝ նշելով, որ Հարավային Կովկասում կայուն խաղաղության և համագործակցության համար պատմական հնարավորությունն է ստեղծվել․ «Ադրբեջանի և Հայաստանի միջև համատեղ հռչակագրի ստորագրումը 2025 թվականի օգոստոսի 8-ին Վաշինգտոնում, նախագահի մասնակցությամբ։ Միացյալ Նահանգների կողմից կնքված համաձայնագիրը և երկու երկրների միջև խաղաղության համաձայնագրի նախաստորագրումը կարևոր քայլեր էին այս ուղղությամբ»։

Ադբրեջանի ղեկավարի պնդմամբ, «երկարատև խաղաղության հաստատումը, քաղաքական համաձայնագրերի հետ մեկտեղ, պահանջում է վստահության կառուցում և հակամարտության մարդասիրական հետևանքների լուծում։ Անհետ կորած անձանց ճակատագրի պարզաբանումը այս գործընթացի անբաժանելի մասն է և մեր բարոյական պատասխանատվությունը նրանց ընտանիքների առջև»։

Այս համատեքստում նա կրկին անհեթեթ մեղադրանքներ է հասցեագրել հայկական կողմին, ինչպես նաև պահանջներ ներկայացրել․

«Անհետ կորած անձանց որոնման արդյունավետությունը ուղղակիորեն կախված է ճշգրիտ տեղեկատվություն ստանալուց։ Հայաստանը պետք է տրամադրի անհետ կորած ադրբեջանցիների ճակատագրի, զանգվածային և անհատական ​​գերեզմանների գտնվելու վայրերի վերաբերյալ ողջ տեղեկատվությունը և ստեղծի պայմաններ համապատասխան արխիվների բացման և վկաների ցուցմունքների հավաքագրման համար։ Սա կլինի իրավական պարտավորություն և մարդասիրական պատասխանատվություն, ինչպես նաև խաղաղության նկատմամբ նվիրվածության գործնական դրսևորում և փոխադարձ վստահության ամրապնդմանն ուղղված ներդրում»։

© 2026 Secure News Portal

Source: Hraparak

Hraparak.am

Recent Posts

«Կեղտոտ միջուկային ռումբով» հարձակման հավանականություն չկա

«Կեղտոտ միջուկային ռումբով» հարձակման հավանականություն չկա Thu, 19 Nov 2026 23:05:28 +0400 ԱՄՆ Ներքին անվտանգության…

14 րոպե ago

Վարչապետի ճեպազրույցը և ԱԺ-ում բանավեճի շարունակությունը, Թրամփ–Պուտին–Սի եռակողմ հանդիպման արդյունքները Շենժենում․ օրվա թոփ լուրերը

Վարչապետի ճեպազրույցը և ԱԺ-ում բանավեճի շարունակությունը, Թրամփ–Պուտին–Սի եռակողմ հանդիպման արդյունքները Շենժենում․ օրվա թոփ լուրերը Thu,…

17 րոպե ago

Մեսսին հայց է ներկայացնելու՝ պահանջելով իր անունը չօգտագործել

Մեսսին հայց է ներկայացնելու՝ պահանջելով իր անունը չօգտագործել Thu, 19 Nov 2026 23:00:29 +0400 «Ինտեր…

19 րոպե ago

Վան Գոգի նոր ռեկորդը․ մեկ կտավը՝ 190,4 միլիոն դոլար

Վան Գոգի նոր ռեկորդը․ մեկ կտավը՝ 190,4 միլիոն դոլար Thu, 19 Nov 2026 22:52:23 +0400…

28 րոպե ago

Կինգ Կոնգը, պինգ պոնգը ու «Սահմանադրությունը»

Կինգ Կոնգը, պինգ պոնգը ու «Սահմանադրությունը» Thu, 19 Nov 2026 22:41:49 +0400 Latest news from…

38 րոպե ago

Ով է համաշխարհային կինոյի ամենահայտնի աստղը, ըստ Variety-ի

Ով է համաշխարհային կինոյի ամենահայտնի աստղը, ըստ Variety-ի Thu, 19 Nov 2026 22:30:01 +0400 Variety-ն…

50 րոպե ago