Մի սխրալից կյանքի պատմություն

Մի սխրալից կյանքի պատմություն

Wed, 07 Oct 2026 20:15:42 +0400


80 տարի առաջ՝ 1946 թվականի հոկտեմբերին, խորհրդային բանակից զորացրվելուց անմիջապես հետո Ալավերդու շրջանի առողջապահության բաժնի վարիչ է նշանակվել Ալֆրեդ Սեդրակի Պիվազյանը, որը հետո տեղափոխվել է Երեւան եւ երկար տարիներ ղեկավարել մայրաքաղաքի առաջին հիվանդանոցը։ Նրան այսօր Ալավերդիում հիշում են ավագ սերնդից եկող պատմություններից, հուշերից եւ գնահատականներից։

Ո՞վ է Ալֆրեդ Պիվազյանը․ Լենինի, Կարմիր աստղի շքանշանների եւ 10 մեդալների ասպետ, բժշկական ծառայության պահեստի մայոր, ՀՀ վաստակավոր բժիշկ։ Նա ծնվել է 1919թ․, Բայազետում։ 1937-ի դժնդակ տարում ավարտել է Թբիլիսիի թիվ 68 միջնակարգ դպրոցը, 1941-ի դեկտեմբերին՝ Երեւանի բժշկական ինստիտուտը։ Ուսանողական նստարանից բաժանվելուց հետո անմիջապես նշանակվել է 408-րդ հրաձգային դիվիզիայի 663-րդ գնդի սանիտարական վաշտի հրամանատար։ Հետո տեղափոխվել է 111-րդ հրաձգային բրիգադ ու մեկնել կովկասյան ռազմաճակատ։

Իմ ուսանողական տարիներին պատիվ եմ ունեցել լսել նրա հետաքրքիր եւ տպավորիչ խոսքը Նովոռոսիյսկի մարտերում, Մալայա զեմլյայում մեր զորքերի մղած մարտերի մասին։ Ինքն էլ, մոռացած քուն ու դադար, աշխատել է ուժերի առավելագույն լարումով՝ մերթ ցույց տալով բժշկական օգնություն, մերթ կազմակերպելով վիրավորների էվակուացիան, մերթ անցնելով համաճարակային միջոցառումներ։ 1943թ․ օգոստոսին տեղափոխվել է 9-րդ Կրասնոդարյան Կարմրադրոշ դիվիզիայի 993-րդ հրաձգային գունդ՝ սանիտարական վաշտի հրամանատարի պաշտոնի։ Հետո դառնալով նույն գնդի ավագ բժիշկ՝ անցել է Թամաններից մինչեւ Պրահա՝ մասնակցելով Ուկրաինայի, Մոլդավիայի, Լեհաստանի, Չեխոսլովակիայի ազատագրման համար մղված մարտերին։

Մի սխրալից կյանք՝ մեծ հաղթանակի ճանապարհին։ Վերջերս կրկին թերթում էի Ա․ Բ․ Գրիգորյանի, Բ․ Գ․ Մելքումյանի «Հայաստանի բժիշկները՝ Մեծ հայրենականում» (Հայաստան հրատարակչություն, 1987թ․) 2-րդ գիրքը։ Կրկին համոզվեցի, որ Ալֆրեդ Պիվազյանը եւ նրա նման էլի շատ բժիշկներ, ակտիվ մասնակցելով Մեծ հաղթանակի կերտմանը, պայքարել են մեկ այլ ճակատում՝ մարդկանց կյանքի համար անդուլ պայքարի դաշտում։ Նրանց սխրանքը չպետք է մոռացվի։ Գրեցի՝ չմոռացվի ու հիշեցի, որ մի հիշարժան դրվագ էլ ես եմ մոռանում։

Ես եւ երջանկահիշատակ Ալբերտ Փարսադանյանը մտադրվել էինք այցելել Ալֆրեդ Պիվազյանին։ Ալբերտը պատրաստվում էր իր կողմից խմբագրվող «Եզդիների ձայն» թերթում հրապարակում անել օրեր առաջ խմբագրությունում ստացված շնորհակալական նամակի հետ կապված՝ ուղղված բժշկին, ես էլ ցանկանում էի Պիվազյանի գունեղ կերպարը ներկայացնել «Լոռի» թերթի ընթերցողներին։ Ցավոք, տեղեկացանք, որ ընդամենը օրեր առաջ, բժշկական խալաթից դեռ չբաժանված, իր երկրային կյանքն ավարտել է մեծարգո Ալֆրեդ Պիվազյանը։ Դա 1994 թվականն էր՝ 32 տարի առաջ։ Անանց հիշատակ եւ սուրբ լույս՝ հայրենիքի զինվորի եւ նվիրյալ բժշկի գերեզմանին։

Վաղարշակ ՂՈՐԽՄԱԶՅԱՆ

© 2026 Secure News Portal

Source: Hraparak

Hraparak.am

Recent Posts

Սիրուշոն ազդարարել է «Պրեգոմեշ մթերք 2» հավաքածուի թողարկման մասին

Սիրուշոն ազդարարել է «Պրեգոմեշ մթերք 2» հավաքածուի թողարկման մասին Fri, 20 Nov 2026 15:45:23 +0400…

8 րոպե ago

Պուտինը եվրոպական ներկայացուցիչներին առաջարկել է այցելել Ռուսաստան

Պուտինը եվրոպական ներկայացուցիչներին առաջարկել է այցելել Ռուսաստան Fri, 20 Nov 2026 15:30:27 +0400 Ռուսաստանի նախագահ…

23 րոպե ago

Հայաստանի ոչ մի ղեկավար իրեն թույլ չի տվել հանդես գալ նման գռեհիկ պահվածքով. Լևոն Տեր-Պետրոսյան

Հայաստանի ոչ մի ղեկավար իրեն թույլ չի տվել հանդես գալ նման գռեհիկ պահվածքով. Լևոն Տեր-Պետրոսյան…

30 րոպե ago

Արցախից եկանք ադրբեջանցի չդառնալու համար, եկանք՝ այստեղ են դարձնում

Արցախից եկանք ադրբեջանցի չդառնալու համար, եկանք՝ այստեղ են դարձնում Fri, 20 Nov 2026 15:15:02 +0400…

39 րոպե ago

Լրիվ տեղին է, որ Նիկոլը սկսի ընդդիմության նախապայմանները կատարել

Լրիվ տեղին է, որ Նիկոլը սկսի ընդդիմության նախապայմանները կատարել Fri, 20 Nov 2026 14:58:43 +0400…

55 րոպե ago

Մի՛ տվայտվեք, մեկ է՝ ալիևյան Սահմանադրությունը տեղ չունի Հայաստանում

Մի՛ տվայտվեք, մեկ է՝ ալիևյան Սահմանադրությունը տեղ չունի Հայաստանում Fri, 20 Nov 2026 14:47:52 +0400…

1 ժամ ago