Անհրաժեշտ է 51 մարմնի արտաշիրիմում իրականացնել
Thu, 08 Oct 2026 11:49:55 +0400
Արցախյան պատերազմներում զոհված և անհետ կորած զինծառայողների հարազատներն այսօր Ազգային ժողովում հանդիպել են «Ուժեղ Հայաստան» խմբակցության պատգամավորների հետ։ Հանդիպմանը նրանք ներկայացրել են իրենց ընտանիքների և առհասարակ զոհվածների ու անհետ կորածների հարազատների առջև կանգնած մի շարք խնդիրներ։
Բարձրացված հարցերի շարքում առանձնացվել է նաև զոհվածների մարմինների արտաշիրիմման խնդիրը։ «Արցախյան երրորդ պատերազմում զոհված և անհայտ կորածների հարազատների միություն» ՀԿ նախագահ Արմեն Ասրյանը հայտնել է, որ այս հարցը վերաբերում է 2023-2024 թվականներին զոհված 51 անձի։
Նրա ներկայացմամբ՝ այդ մարդկանց մարմինները դեռևս պետք է արտաշիրմվեն, քանի որ նրանց հարազատները մինչ այժմ հնարավորություն չեն ունեցել պատշաճ կերպով կազմակերպելու հուղարկավորությունը։
Ասրյանը նշել է, որ հանդիպմանը ներկայացվող խնդիրների զգալի մասը սոցիալական բնույթի է, սակայն արտաշիրիմումների հարցը, իր գնահատմամբ, առանձնանում է որպես ընդհանուր և ոչ թե առանձին ընտանիքներին վերաբերող խնդիր։