Հայաստանի ըմբշամարտի հավաքականները կազմով կմեկնեն Ղազախստանի մայրաքաղաք Աստանայում անցկացվելիք աշխարհի առաջնությանը։ Մրցաշարը նախատեսված է հոկտեմբերի 24-ից նոյեմբերի 1-ը։

Ազատ ոճի Հայաստանի հավաքականը աշխարհի առաջնությունում հանդես կգա վեց մարզիկով։ Հաբեթնակ Կուրղինյանի գլխավորած թիմը ներկայացված կլինի վեց քաշային կարգում։

Հայաստանի ընտրանու կազմում մրցագորգ դուրս կգան Մանվել Խնձրցյանը՝ 57 կգ, Արսեն Հարությունյանը՝ 61 կգ, Վազգեն Թևանյանը՝ 65 կգ, Արման Անդրեասյանը՝ 70 կգ, Նարեկ Հարությունյանը՝ 74 կգ և Հրայր Ալիխանյանը՝ 79 կգ քաշային կարգերում։

Հունահռոմեական ոճում Հայաստանը կունենա ավելի մեծ ներկայացվածություն։ Այս ոճում աշխարհի առաջնության հայտացուցակում ընդգրկվել է տասը հայ ըմբիշ։

55 կգ քաշային կարգում Հայաստանը կներկայացնի Նորայր Հախոյանը, 60 կգ-ում՝ Սուրեն Աղաջանյանը, իսկ 63 կգ-ում՝ Կարեն Ասլանյանը։ 67 կգ քաշային կարգում մրցելու է Սլավիկ Գալստյանը, 72 կգ-ում՝ Աշոտ Խաչատրյանը, իսկ 77 կգ-ում՝ Մալխաս Ամոյանը։

Հայաստանի հունահռոմեական ոճի հավաքականի կազմում ընդգրկված են նաև Սամվել Գրիգորյանը՝ 82 կգ, Գևորգ Թադևոսյանը՝ 87 կգ, Հայկ Խլոյանը՝ 97 կգ և Ռազմիկ Քուրդյանը՝ 130 կգ քաշային կարգերում։

Այսպիսով, աշխարհի առաջնությունում Հայաստանի ըմբշամարտի երկու հավաքականները ընդհանուր առմամբ կունենան 16 ներկայացուցիչ։