Ֆրանսիայում առաջիկա 27 թվականին կայանալիք նախագահական ընտրություններում «Ազգային միավորում» կուսակցության թեկնածու Մարին Լը Պենը հայտարարել է, որ բոլոր ֆինանսական հաստատությունները իրեն մերժել են վարկ տրամադրել, որպեսզի կարողանա իրականացնել առաջիկա նախագահական ընտրությունների իր ընտրարշավը։ Այս մասին Լը Պենը ասել է ասուլիսի ժամանակ։ «Մենք կապ ենք հաստատել բոլոր ֆրանսիական բանկերի հետ եւ բոլորը մեզ մերժել են։ Այնպես որ, բախվել են մի խնդրի հետ, եւ գիտեմ, որ էլի խնդիրներ կհարուցվեն մեր առաջ»,- ասել է ընդդիմադիր քաղաքական գործիչը։

Նա հավելել է, որ այդ մասին արդեն տեղեկացրել է ֆրանսիական կառավարությանը։ Նաեւ արձանագրել է, որ վերջին տարիներին բացառապես միայն եվրոպական վարկավորումների դիմելու հնարավորությունները համակարգված եւ հետեւողական կերպով սահմանափակվել են։ Լը Պենը նկատել է, որ ամենից պարզ եւ արագ լուծումը ստեղծված իրավիճակում կլիներ այն, որ մասնավոր անձերից ստանար փոխառություն։ Համաձայն օրենսդրության, այդ դեպքում էլ կա սահմանափակում։ Նախագահի թեկնածուն չի կարող մասնավոր մեկ անձից ստանալ 4,6 միլիոն եվրոյից ավելի գումար, որպես հանգանակություն կամ փոխառություն։