«Թշնամիներ» են․ Նոբելյան մրցանակ չստանալուց հետո «տեղը» չի գտնում
Sat, 10 Oct 2026 12:30:17 +0400
ԱՄՆ նախագահ Դոնալդ Թրամփը պնդում է, որ երբեք չի լսել ՄԱԿ-ի մարդու իրավունքների նախկին գերագույն հանձնակատար Նավի Փիլեյի մասին, ով նախօրեին՝ հոկտեմբերի 9-ին դարձավ Նոբելյան խաղաղության մրցանակի դափնեկիր։
«Նրանք Նոբելյան խաղաղության մրցանակը տվեցին մեկին, որի մասին ես երբեք չեմ լսել։ Իրականում, ոչ ոք նրա մասին չի լսել։ Նա մարդ-հանելուկ է», – ասել է ամերիկացի առաջնորդը Նյու Յորք նահանգում կայացած հանրահավաքի ժամանակ։
Թրամփը նշել է, որ ինքը շատ ավելի արժանի է խաղաղության մրցանակին։
«Եթե դուք կանգնեցնեք մեկ պատերազմ, կստանաք Նոբելյան խաղաղության մրցանակ։ Իսկ ես կանգնեցրեցի ութ պատերազմ», – ասել է նա։
Նրա համոզմամբ, ինքը կարող էր առաջադրվել ութ խաղաղության մրցանակի՝ մեկական յուրաքանչյուր հակամարտության համար, որը նա պնդում է, որ դադարեցրել է։
«Նրանք մրցանակը տվեցին ՄԱԿ-ի լիբերալին։ Այնուամենայնիվ, շնորհավորում եմ նրան։ (…) Բայց նրանք պետք է դա տային ինձ և Միացյալ Նահանգներին», – հավելել է Թրամփը։
Այդուհանդերձ, Թրամփն Օսլոյում Նոբելյան խաղաղության մրցանակի հանձնախմբի անդամներին, որը շնորհում է Նոբելյան խաղաղության մրցանակը, անվանել է «քաղաքակրթության թշնամիներ»։