40-ամյա Աշխարհի նախկին չեմպիոնը վերադառնում է խաղադաշտ
Sat, 10 Oct 2026 22:00:22 +0400
2010 թվականին Իսպանիայի հավաքականի կազմում Աշխարհի չեմպիոն դարձած, կիսապաշտպան Դավիթ Սիլվան վերականգնել է իր սպորտային կարիերան եւ պայմանագիր կնքել Հոնգկոնգյան Պրեմիեր Լիգայում հանդես եկող «Սաթխին» ակումբի հետ։ Այս մասին հայտնում է ակումբի Մամուլի ծառայությունը։ Պայմանագրի ժամկետի մասին հաղորդում չկա։ Սակայն սպորտային ոլորտի մասնագետները նշում են, որ այն ամենայն հավանականությամբ կարճաժամկետ է։ Սիլվան 40 տարեկան է։ 2020-23 թվականներին հանդես է եկել իսպանական «Ռեալ Սոսյեդադում», որից հետո ավարտել է կարիերան։ Հանդես է եկել «Վալենսիայում», «Մանչեսթեր Սիթիում» եւ այլ ակումբներում։