Թուրքիայում 15 տարեկանից ցածր երեխաներին կարգելվի օգտվել սոցցանցերից
Sat, 10 Oct 2026 22:15:32 +0400
Նոյեմբերի 1-ից սկսած՝ Թուրքիայում սոցիալական ցանցերի հարթակները այլևս չեն կարողանա սպասարկել 15 տարեկանից փոքր օգտատերերին, իսկ 15-ից 18 տարեկան դեռահասների համար հարթակները պարտավոր կլինեն ներդնել հատուկ ռեժիմ՝ անձնական տվյալների լրացուցիչ պաշտպանությամբ:
Համապատասխան կարգավորումը հրապարակվել է կառավարության «Resmi Gazete» թերթում։
Օգտատերերը կհաստատվեն պետական էլեկտրոնային ծառայությունների հարթակի՝ e-Devlet-ի հատուկ նույնականացուցիչի միջոցով: Գործող հաշիվների տերերը պարտավոր կլինեն հաստատել իրենց տարիքը մինչև 2027 թվականի մարտի 31-ը։
Նոր կանոնները նաև կսահմանափակեն անչափահասների տվյալների հավաքագրումն ու օգտագործումը: Սոցիալական ցանցերին կարգելվի դեռահասներին այլ հաշիվներ առաջարկել՝ հիմնվելով հավաքված տեղեկատվության վրա, կամ նրանց պրոֆիլները գովազդել այլ օգտատերերի մոտ։
Ավելին, հարթակները չեն կարողանա սինքրոնացնել երեխաների հաշիվները հեռախոսների և էլեկտրոնային փոստի հասցեագրքերի, կոնտակտների ցուցակների, ընկերների և բաժանորդագրությունների հետ այլ հավելվածներում, ինչպես նաև չեն կարողանա մուտք գործել կամ օգտագործել այս տվյալները։