Թալանը սենց է լինում
Mon, 12 Oct 2026 13:18:14 +0400
ԱԺ-ում քննարկման ժամանակ ընդդիմադիր պատգամավոր Մեսրոպ Մանուկյանը քննադատեց իշխող «Քաղաքացիական պայմանագիր» խմբակցության ներկայացուցիչներին՝ հայտարարելով, որ ընդդիմության պահանջը քաղաքացիների հարկային միջոցները չյուրացնելն է։
Նա իր ելույթում կոշտ արտահայտություններով դիմեց իշխանական պատգամավորներին՝ պնդելով, որ պետական բյուջեի գումարները թալանվում են։
«ՔՊ-ականնե՛ր, ընդդիմությունն ասում է՝ մի՛ թալանեք քաղաքացու հարկերը, մի՛ զբաղվեք թալանչիությամբ։ Թալանչին սենց ա լինում, բյուջեի փողերը թալանում եք»,- հայտարարեց Մեսրոպ Մանուկյանը։
ԱԺ-ում քննարկվում է Հայաստանի կառավարության և Կենսաբանական բազմազանության մասին կոնվենցիայի քարտուղարության միջև կնքված համաձայնագիրը վավերացնելու հարցը։ Փաստաթուղթը վերաբերում է Կարթագենյան արձանագրության կողմերի հանդիպման ձևաչափով անցկացվող համաժողովի 20-րդ հանդիպման, Նագոյայի արձանագրության կողմերի հանդիպման 6-րդ հանդիպման և Կենսաբանական բազմազանության մասին կոնվենցիայի կողմերի համաժողովի 17-րդ հանդիպման կազմակերպմանը։