Հրատապ. Քաղաքապետարանը գիշերով գնում է քանդելու քաղաքացիների շինությունները
Mon, 12 Oct 2026 20:27:53 +0400
Քիչ առաջ Շինարարներ փողոցի օրինական կառույցներից մեկի տերը` Դավիթը, Հրապարակին հայտնեց, որ քիչ հետո այնտեղ է ժամանելու Աջափնյակի թաղապետի հրամանով աշխատակիցներ, ովքեր պատրաստվում են քանդել իրենց օրինական կառույցները։ Ապամոնտաժման աշխատանքները նախատեսված էր առավոտյան կատարել, սակայն մեր զրուցակիցը հայտնեց, որ որոշել են դատարանի թուղթը ձեռքներին գիշերով գալ եւ այդ աշխատանքները կատարեն։
Նշենք, որ օրինական կառույցներ ունեն 50-ից ավելի անձինք, որոնց սեփականությունը քաղաքապետ Տիգրան Ավինյանի որոշմամբ որոշվել է քանդել, իսկ վերջինս հայտնել է, որ դրանք համարվել են գերակա շահ, իսկ քաղաքացիները դժգոհ են, քանի որ ոչ միայն այլընտրանք չի առաջարկվում, այլեւ չի նախատեսվում որեւէ փոխհատուցում, այն դեպքում,երբ կառույցները օրինական են, անգամ դեպքեր կան, որ քաղաքապետանը այս տարվա օգոստոսին դրանց վարձակալության ժամկետը երկարաձգել է մինչև 2029 թվականը։