Գյումրիում գնդապետի կնոջը վրաերթի ենթարկած Թուքրիայի քաղաքացին ձերբակալվել է
Thu, 15 Oct 2026 10:07:26 +0400
Գյումրիում հոկտեմբերի 13-ին մահվան ելքով վրաերթի ենթարկած Թուրքիայի Հանրապետության քաղաքացի վարորդը ձերբակալվել է։
Դեպքը տեղի է ունեցել ժամը 17։50-ի սահմաններում՝ Գարեգին Նժդեհ և Մհեր Մկրտչյան փողոցների խաչմերուկում։ «Mercedes» մակնիշի կցորդիչով բեռնատարը վրաերթի է ենթարկել կին հետիոտնի։
Կինը մարմնական վնասվածքներով տեղափոխվել է «Գյումրի» բժշկական կենտրոն, սակայն, գիտակցության չգալով, մահացել է։
Ըստ հրապարակված տեղեկությունների՝ մահացածը 77-ամյա Ռուզաննա Սարգսյանն է՝ ոստիկանության գնդապետ, Շիրակի մարզային վարչության նախկին պետ Շիրակ Հակոբյանի կինը։
Դեպքի առթիվ նախաձեռնվել է քրեական վարույթ։ Վարորդը ձերբակալվել է։