Ուկրաինայի նախագահին պետք է ընտրեն ուկրաինացիները, ոչ թե Թրամփը. Լուկաշենկո
Fri, 16 Oct 2026 17:00:02 +0400
Բելառուսի նախագահ Ալեքսանդր Լուկաշենկոն մեկնաբանել է ԱՄՆ նախագահ Դոնալդ Թրամփի հայտարարությունները՝ Ուկրաինայի նախագահ Վլադիմիր Զելենսկուն փոխելու անհրաժեշտության վերաբերյալ, հայտնում է БЕЛТА-ն։
«Ուզո՞ւմ եք պատասխան ստանալ: Եթե հարցի էության մասին է խոսքը, ապա իմ համոզմունքն այսպիսին է՝ դա Թրամփի որոշելու հարցը չէ։ Թե ով կլինի Ուկրաինայի նախագահը, կորոշի Ուկրաինայի ժողովուրդը»,- ասել է Լուկաշենկոն։
Նա նշել է, որ Զելենսկին ժամանակին խոստացել էր Ուկրաինայի նախագահի պաշտոնում մնալ միայն մեկ ժամկետ։ «Խոստումները պետք է կատարել։ Պետք է գնալ ընտրությունների։ Այս հարցում Թրամփը ճիշտ է․ խոստացել ես՝ պետք է կատարես խոստումներդ։ Բայց պետք չէ թելադրել։ Թրամփը չպետք է թելադրի, թե ինչպես պետք է գործի Ուկրաինան»,- ասել է Բելառուսի նախագահը։
Ավելի վաղ ԱՄՆ նախագահ Դոնալդ Թրամփն անհրաժեշտ էր համարել Ուկրաինայում նախագահական ընտրությունների անցկացումը։