Ովքեր են հետախուզական տվյալներ տրամադրում Ուկրաինային
Fri, 16 Oct 2026 20:30:21 +0400
Ուկրաինային տրամադրվող հետախուզական տվյալների մեծ մասը փոխանցվում է Եվրոպայի կողմից, այդ թվում՝ Ֆրանսիայի։ Այս մասին հայտարարել է Ֆրանսիայի ԱԳ նախարար Ժան-Նոյել Բարոն, ըստ France Info-ի փոխանցման։ Նա մանրամասնել է, որ Ուկրաիային ներկայումս տրամադրվող հետախուզական տվյալների 2/3-րդը փոխանցվում է եվրոպացիների եւ առաջնահերթ կերպով՝ Ֆրանսիայի կողմից։ Բարոն նաեւ ասել է, որ Ռուս-Ուկրաինական հակամարտության մեկնարկից ի վեր՝ հաճախ են հայտարարություններ հնչել, թե Միացյալ Նահանգները լքում է Ուկրաինային։ Սակայն իրականությունն այն է, որ պատերազմի այս տարիներին Կիեւին հիմնական օգնությունը հատկացրել է Եվրոպան։
Հիշեցնենք, որ օրեր առաջ բրիտանական Financial Times-ը գրել էր, որ Միացյալ Նահանգները հնարավոր է հրաժարվի այլեւս տրամադրել հետախուզական տվյալներ Ուկրաինային, եթե վերջինս չդադարեցնի հարվածները ռուսական նավթավերամշակման ձեռնարկություններին։