Կադրային «ջարդ»՝ Թուրքիայի ֆինանսական վերնախավում
Tue, 20 Oct 2026 16:00:22 +0400
Թուրքիայի ֆինանսատնտեսական բլոկում տեղի են ունեցել մի շարք կադրային փոփոխություններ:
Թուրքիայի ֆինանսական շուկաների խորհրդի նախագահ Մահմութ Սյութչուն, ինչպես նաև գանձապետարանի և ֆինանսների փոխնախարար Օսման Չելիքը հրաժարական են տվել իրենց պաշտոններից, հաղորդում են թուրքական լրատվամիջոցները՝ հղում անելով գերատեսչություններին։
Հաղորդագրությունների համաձայն, Մահմութ Սյութչուն սկզբում հրաժարական էր ներկայացրել առողջական պատճառներով: Սակայն նախագահի 2026/350 համարի հրամանագրում ձևակերպումը փոխվել է՝ նշելով պաշտոնապես ազատելու մասին։
Միևնույն ժամանակ, ֆինանսական շուկաները վերահսկող Օսման Չելիքը իր թոշակի անցնելու դիմումը ներկայացրել է ֆինանսների նախարարության ղեկավար Մեհմեթ Շիմշեքին։
Կադրային փոփոխությունները համընկել են յոթ կառավարչական ընկերություններին պատկանող ավելի քան 100 ներդրումային ֆոնդերի լիկվիդացիայի հետ կապված խոշոր ճգնաժամի հետ, որը իրականացվել է կարգավորողի հսկողության ներքո:
Բացի այդ, Ստամբուլի դատախազությունը հետաքննություն է անցկացնում երկրի ֆոնդային շուկայի ենթադրյալ մանիպուլյացիաների վերաբերյալ: