Հիմա էլ հույներն են որոշել գործադուլ անել
Tue, 20 Oct 2026 23:00:15 +0400
Հունաստանում այդ երկրի Ուսուցիչների ֆեդերացիան հայտարարել է, որ հոկտեմբերի 21-ին անցկացնելու է քսանչորսժամյա գործադուլ եւ բողոքի ցույց՝ մայրաքաղաք Աթենքում, Սալոնիկում եւ երկրի մյուս խոշոր քաղաքներում։ Ուսուցիչները պահանջում են ավելացնել աշխատավարձները 20 տոկոսով, վերականգնել ֆինանսական ճգնաժամի տարիներին եղած 13 եւ 14-րդ աշխատավարձ կոչվածը եւ տրամադրել ֆինանսական օգնություն՝ բնակարանային խնդիրները կարտավորելու համար, ինչպես նաեւ ապահովել անվճար տրանսպորտային երթեւեկություն՝ տնից դպրոց եւ հակադարձ ուղղությամբ։ Սպասվում է, որ բողոքի ակցիաներին միանալու են նաեւ դպրոցականներն ու ուսանողները, որոնք հանդես են գալիս կրթության որակի բարձրացման եւ կրթական հաստատություններում անվտանգության մակարդակի բարձրացման պահանջներով։