Իսրայելն ու ԱՄՆ-ն նորի՞ց կհարվածեն Իրանին
Thu, 22 Oct 2026 13:00:06 +0400
Ամերիկացի և իսրայելցի զինվորականները ծրագրեր են պատրաստել Իրանի վրա հարվածները վերսկսելու համար նոյեմբերին ԱՄՆ Կոնգրեսի միջանկյալ ընտրություններից հետո, հաղորդում է The New York Times-ը՝ հղում անելով աղբյուրներին։
«Հավանական թիրախները կլինեն Իրանի էներգետիկ ենթակառուցվածքները, միջուկային օբյեկտները և նրա հրթիռային ու անօդաչու թռչող սարքերի զինանոցը», – գրում է թերթը։
Այնուամենայնիվ, աղբյուրների համաձայն, հնարավոր հարվածները չեն ազդի նավթավերամշակման գործարանների կամ նավթային ենթակառուցվածքների վրա, քանի որ ԱՄՆ նախագահ Դոնալդ Թրամփը ցանկանում է կանխել վառելիքի գների հետագա աճը։
Հրապարակման համաձայն, հարվածները կլինեն «կարճ, բայց ինտենսիվ գործողություն», իսկ ամերիկացի ու իսրայելցի զինվորականները ինտենսիվացրել են զորավարժությունները՝ կատարելագործելով հարվածային մանևրները։
Ավելին, ըստ թերթի, Պենտագոնի ղեկավար Փիթ Հեգսեթը այս շաբաթ հանդիպել է Իսրայելի վարչապետ Բենիամին Նեթանյահուի հետ՝ հետագա հարվածները քննարկելու համար։