Օգտագործված հոգևորականներն ու ԱԺ քննիչ հանձնաժողովը

Օգտագործված հոգևորականներն ու ԱԺ քննիչ հանձնաժողովը

Fri, 23 Oct 2026 19:45:30 +0400


Նիկոլ Փաշինյանի հակաեկեղեցական քաղաքականության վերջին զարգացումները հուշում են՝ իշխանության կողքին կանգնած հոգևորականների հիմնական դերն արդեն ավարտված է։ Նրանք պետք էին պետական միջամտությունը եկեղեցական «բարենորոգում» ներկայացնելու համար։ Այժմ նախաձեռնությունը փոխանցվում է ԱԺ քննիչ հանձնաժողովին։

Այդ հոգևորականների մասնակցությամբ իշխանությունը փորձեց Եկեղեցու դեմ իր արշավը ներկայացնել իբր Եկեղեցու ներսից հնչող պահանջ։ Նրանց դժգոհությունները դարձան քաղաքական փաստարկ, եկեղեցական հանդերձանքը՝ միջամտության ծածկոց։ Տիրադավության ճանապարհն ընտրածները ծառայեցին մի ծրագրի, որի հետագա ընթացքն իրենցից այլևս կախված չէ։

Արման Սարոյանի, Ստեփան Ասատրյանի և Արամայիս Թախմազյանի հայցերով վարույթների կարճումը ցույց տվեց աշխարհիկ դատարանով եկեղեցական պաշտոններ վերադարձնելու փորձի անհնարինությունը։ Դատարանները տվյալ վեճերը քաղաքացիական դատավարությամբ քննության ենթակա չեն համարել։ Կարգալույծների պահանջած վերականգնումն այս փուլում չի կայացել, մինչդեռ իշխանության քաղաքական օրակարգը շարունակվում է։

Այդ օրակարգի հաջորդ հարթակն Ազգային ժողովն է։ Եկեղեցու ղեկավարի փոփոխության նպատակը նախ ամրագրվեց կառավարության ծրագրում, ապա հրապարակվեց զեկույցն ու ստեղծվեց քննիչ հանձնաժողովը։ Անօրինական հանձնաժողովի ստեղծումը հիմք է տալիս հաստատելու, որ զեկույցի ուսումնասիրությունը ծառայեցվելու է նախապես ընտրված քաղաքական նպատակի հիմնավորմանը։

Այստեղ է օգտագործված լինելու դառը իմաստը․ կարգալույծների և մյուս տիրադավների անձնական ակնկալիքները կարող են մնալ չիրականացված, իսկ իշխանությունն արդեն ունի պետական ու խորհրդարանական գործիքներ, և նրանց քաղաքական անհրաժեշտությունը նվազում է։ Փոխարենը նրանց խղճին են մնում Եկեղեցու դեմ ելնելու և Եկեղեցու պառակտմանը մասնակցելու բարոյական հետևանքները։

Իրենց վերապահված դերը կատարելուց հետո նրանք կարող են արագ վերածվել ավելորդ բեռի։ Եվ այդժամ քաղաքական աղբանոցում հայտնվելու հեռանկարը կդառնա սեփական ընտրության ամենադաժան բացատրությունը․ ուխտը խախտեցին, օգտագործվեցին, իսկ նախաձեռնությունը մնաց օգտագործողի ձեռքում։

Անուշ Սահակյան

© 2026 Հրապարակ

Source: Hraparak

Hraparak.am

Recent Posts

Կմնա՞ Մելիքյանը, թե՞ ոչ

Կմնա՞ Մելիքյանը, թե՞ ոչ Mon, 16 Nov 2026 14:15:31 +0400 Հայաստանի ֆուտբոլի ազգային հավաքականն ավարտեց…

12 րոպե ago

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում Mon, 16 Nov 2026…

26 րոպե ago

Ես իմ մեղքը չեմ ընդունել․ Մասիս Մելքոնյան

Ես իմ մեղքը չեմ ընդունել․ Մասիս Մելքոնյան Mon, 16 Nov 2026 13:55:59 +0400 «Նախաքննական մարմինն…

31 րոպե ago

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ Mon, 16 Nov 2026 13:51:14 +0400…

36 րոպե ago

Կբացահայտվի՝ երբ և ինչու խզվեցին հարաբերությունները

Կբացահայտվի՝ երբ և ինչու խզվեցին հարաբերությունները Mon, 16 Nov 2026 13:49:35 +0400 Հայ ազգային կոնգրեսի…

38 րոպե ago

Արդյո՞ք հաջողվել է մարդկանց վերջնականապես անասնացնել, հուսով եմ՝ ոչ

Արդյո՞ք հաջողվել է մարդկանց վերջնականապես անասնացնել, հուսով եմ՝ ոչ Mon, 16 Nov 2026 13:45:28 +0400…

42 րոպե ago