Համացանցում շրջանառվում են երեկ ողբերգական վրաերթից մահացած ամուսինների՝ 37-ամյա Մխիթար Նազարյանի և 36-ամյա Իզաբելլա Վարդանյանի լուսանկարները։

Գրել էինք, որ երեկ խոշոր ու ողբերգական ավտովթար է տեղի ունեցել Արագածոտնի մարզում։ Ժամը 19:40-ի սահմաններում Երևան-Գյումրի ավտոճանապարհի 34-րդ կիլոմետրի հատվածում բախվել են «Opel Zafira» մակնիշի ավտոմեքենան և «ՄԱԶ» մակնիշի բեռնատարը։
​Վթարի հետևանքով երիտասարդ ծնողները տեղում մահացել են։ Մեր տեղեկություններով՝ նրանք Եղվարդ քաղաքի բնակիչներ էին, հյուր էին գնացել կնոջ հայրական տուն՝ Հոռոմ գյուղ, զոքանչի մահվան 40-րդ օրն էր, և երեկոյան վերադառնում էին Եղվարդ՝ տուն։
​Առողջապահության նախարարության փոխանցմամբ՝ վթարից տուժել է 5 երեխա։ Նրանցից 7, 10 և 13 տարեկան երեք երեխաները «Աշտարակ» բժշկական կենտրոնից ռեանիմոբիլով տեղափոխվել են Երևանի «Սուրբ Աստվածամայր» ԲԿ։ Նրանց վիճակը գնահատվում է ծայրահեղ ծանր։