Պիտի այս ամենը հետաձգել

Պիտի այս ամենը հետաձգել

Mon, 26 Oct 2026 12:50:55 +0400


«Ուժեղ Հայաստան» խմբակցության պատգամավոր Մարիաննա Ղահրամանյանը կարծում է, որ ընտանեկան և կենցաղային բռնության կանխարգելմանն ու տուժած անձանց պաշտպանությանը վերաբերող օրենսդրական փոփոխությունների փաթեթի ընդունման հարցում չպետք է շտապել։ Նրա խոսքով՝ Քրեական օրենսգրքում առաջարկվող փոփոխությունները կարող են խնդիրներ առաջացնել իրավական որոշակիության և համաչափության տեսանկյունից։

Այս մասին պատգամավորը հայտարարել է ԱԺ մարդու իրավունքների պաշտպանության և հանրային հարցերի մշտական հանձնաժողովում՝ քննարկելով «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին» օրենքում և հարակից օրենսդրական ակտերում փոփոխություններ ու լրացումներ կատարելու նախագիծը։

Ղահրամանյանի խոսքով՝ նպատակահարմար կլինի հետաձգել փաթեթի ընդունման գործընթացը և նախապես ստանալ միջազգային մասնագիտական կառույցների խորհրդատվական եզրակացությունը, մասնավորապես՝ Վենետիկի հանձնաժողովի կարծիքը։

Որպես նման մոտեցման օրինակ՝ պատգամավորը հիշատակել է «Դեղերի մասին» օրենքում փոփոխություններ կատարելու վերաբերյալ իրենց խմբակցության նախաձեռնած օրինագծի մշակման աշխատանքները։ Նրա փոխանցմամբ՝ այդ գործընթացի ընթացքում իրենք հանդիպումներ են ունեցել Եվրամիության պատասխանատու մարմնի ներկայացուցիչների և դեսպանների հետ։

Մարիաննա Ղահրամանյանը նշել է, որ միջազգային փորձագիտական գնահատականը կարևոր է նաև իրավական հնարավոր ռիսկերը կանխելու համար։ Եթե Վենետիկի հանձնաժողովը Քրեական օրենսգրքում առաջարկվող փոփոխությունների վերաբերյալ որոշակիության խնդիր արձանագրի, դա, նրա գնահատմամբ, կարող է հարցականի տակ դնել դրանց սահմանադրականությունը։

Պատգամավորի խոսքով՝ առանց այդ հարցերը նախապես հստակեցնելու՝ օրենսդրական փոփոխությունները կարող են ոչ թե բարելավել իրավիճակը, այլ հանգեցնել հակառակ արդյունքի։

© 2026 Հրապարակ

Source: Hraparak

Hraparak.am

Recent Posts

«Ուժեղ Հայաստանի» պատգամավորները լքել են դահլիճը․ Երևանի խցանումները. Ավինյան, Աննա Հակոբյան, Ռուբինյան․ Օրվա լրահոս

«Ուժեղ Հայաստանի» պատգամավորները լքել են դահլիճը․ Երևանի խցանումները. Ավինյան, Աննա Հակոբյան, Ռուբինյան․ Օրվա լրահոս Tue,…

10 րոպե ago

Նոր հակառուսական սանկցիաներ են նախապատրաստում

Նոր հակառուսական սանկցիաներ են նախապատրաստում Tue, 17 Nov 2026 23:00:32 +0400 Եվրամիությունը բանակցություններ է վարում՝…

26 րոպե ago

Հայաստանի Սահմանադրությունը Նիկոլ Փաշինյանի թերթը չէ, իսկ խմբագիրն էլ՝ Ալիևը

Հայաստանի Սահմանադրությունը Նիկոլ Փաշինյանի թերթը չէ, իսկ խմբագիրն էլ՝ Ալիևը Tue, 17 Nov 2026 22:58:56…

27 րոպե ago

«Նրան խաբել են»․ այս ամենի հետևում ավելի մեծ սկանդա՞լ է թաքնված

«Նրան խաբել են»․ այս ամենի հետևում ավելի մեծ սկանդա՞լ է թաքնված Tue, 17 Nov 2026…

41 րոպե ago

Սուպերմոդելը վաճառել է մահացած որդու տունը

Սուպերմոդելը վաճառել է մահացած որդու տունը Tue, 17 Nov 2026 22:30:26 +0400 Ամերիկացի սուպերմոդել Սինդի…

56 րոպե ago

ՔՊ-ն Սաֆարով փառաբանող երկրի թելադրանքով հայ ժողովրդին փորձում է պարտադրել ալիևյան սահմանադրություն

ՔՊ-ն Սաֆարով փառաբանող երկրի թելադրանքով հայ ժողովրդին փորձում է պարտադրել ալիևյան սահմանադրություն Tue, 17 Nov…

58 րոպե ago