Եմենի Շաբվա նահանգում Սաուդյան Արաբիայի կողմից վերահսկվող ռազմական բազայի վրա հութիների բալիստիկ հրթիռային հարվածի հետևանքով զոհվել է առնվազն 75 մարդ, վիրավորվել՝ ավելի քան 200-ը, հաղորդում է The Wall Street Journal-ը՝ հղում անելով սաուդյան և եմենցի պաշտոնյաներին և ականատեսներին:

Զոհերի թվում են սաուդյան և եմենցի զինվորականներ։

Հարձակմանը ծանոթ սաուդյան և եմենցի պաշտոնյաների խոսքով՝ սա նոր պատերազմի սկսվելուց ի վեր հութիների կողմից հասցված ամենամահացու հարվածն էր։

Երեք հրթիռ հարվածել է ալ-Ալամի ճամբարին մի քանի րոպեների ընթացքում, հենց այն պահին, երբ սաուդյան սպաները սկսում էին նորակոչիկ տեղական ուժերի համար մարզումները:

Հարձակումից մի քանի օր առաջ բազայի վրայով պտտվելիս են եղել անօդաչու թռչող սարքեր: