Կվերցնե՞ն կառավարումը «Վեոլիա ջրից»

Կվերցնե՞ն կառավարումը «Վեոլիա ջրից»

Tue, 27 Oct 2026 11:48:38 +0400


«Ուժեղ Հայաստան» խմբակցության քարտուղար Տիգրան Աբրահամյանն Ազգային ժողովում մտահոգություն է հայտնել Հայաստանում, մասնավորապես՝ Երևանում, ջրամատակարարման որակի վերաբերյալ։ Նա նշել է, որ վերջին տարիներին իրավիճակը վատթարացել է, իսկ որոշ թաղամասերում շուրջօրյա ջրամատակարարումն այլևս չի ապահովվում։

«Կառավարության կառուցվածքի և գործունեության մասին» օրենքում փոփոխություններ և լրացումներ նախատեսող նախագծի քննարկման ընթացքում պատգամավորը հիշեցրել է, որ նախկինում մայրաքաղաքի որոշ հատվածներում բնակիչներն անընդհատ ջուր ունենալու հնարավորություն են ունեցել, մինչդեռ այժմ տարվա որոշ ժամանակահատվածներում ջրամատակարարումն իրականացվում է սահմանված գրաֆիկով։

Աբրահամյանը նաև անդրադարձել է վերջին ամիսներին մի շարք բնակավայրերում գրանցված ջրից թունավորման դեպքերին։ Դիմելով նախագծի հիմնական զեկուցող, տարածքային կառավարման և ենթակառուցվածքների նախարարի տեղակալ Առնակ Ավետիսյանին՝ նա հետաքրքրվել է, թե ինչ քայլեր են նախատեսվում խնդիրների լուծման համար։ Պատգամավորի խոսքով՝ քաղաքացիները չպետք է ստիպված լինեն անհանգստանալ, թե արդյոք ծորակից հոսող ջուրն անվտանգ է խմելու համար։

Ի պատասխան՝ Ավետիսյանը նշել է, որ ջրամատակարարման որակի վատթարացման մասին պնդումը դժվար է հիմնավորել։ Նա ընդգծել է, որ կառավարության ծրագրով նախատեսվում է Երևանում և Գյումրիում ապահովել շուրջօրյա ջրամատակարարում, հատկապես՝ խմելու ջրի մատակարարման մասով։ Այս ուղղությամբ, նրա խոսքով, աշխատանքներ են իրականացվում նաև ծառայությունը մատուցող օպերատորի հետ։

Անդրադառնալով թունավորման դեպքերին՝ փոխնախարարը նշել է, որ անհրաժեշտ է սպասել համապատասխան վարույթների արդյունքներին և պաշտոնական եզրակացություններին։

Տիգրան Աբրահամյանը, սակայն, հակադարձել է՝ ընդգծելով, որ որոշ դեպքերից արդեն շուրջ վեց ամիս է անցել, և այդ ընթացքում պետք է պարզված լինեին թունավորումների պատճառները։ Նա նաև հետաքրքրվել է՝ արդյոք կառավարությունում քննարկվել է «Վեոլիա Ջուր» ընկերությունից ջրամատակարարման համակարգի կառավարումը վերցնելու և մեկ այլ ընկերության փոխանցելու հնարավորությունը։

Առնակ Ավետիսյանը պատասխանել է, որ անհրաժեշտ է ուսումնասիրել գործող պայմանագրի դրույթները, այդ թվում՝ ժամկետները, կողմերի իրավունքներն ու պարտավորությունները։ Նա հավաստիացրել է, որ պայմանագրով նախատեսված շրջանակներում կառավարությունն օգտագործում է իր տրամադրության տակ եղած գործիքներն ու հնարավորությունները, իսկ օպերատորի հետ քննարկումները շարունակվում են ամեն օր։

© 2026 Հրապարակ

Source: Hraparak

Hraparak.am

Recent Posts

Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել

Ինչքան կարևոր է ալիևյան սահմանադրությունն անցկացնելը, որ պատրաստ է «կոնի» վրա իր պաշտոնն էլ դնել…

3 ժամ ago

«Նոր խնդրի առաջ ենք` ինչպե՞ս պաշտպանել մեր ջրային ռեսուրսները դավաճաններից». Հովհաննես Իշխանյան

«Նոր խնդրի առաջ ենք` ինչպե՞ս պաշտպանել մեր ջրային ռեսուրսները դավաճաններից». Հովհաննես Իշխանյան Thu, 19 Nov…

3 ժամ ago

Բենզինն Ամերիկայում սկսել է էժանանալ

Բենզինն Ամերիկայում սկսել է էժանանալ Wed, 18 Nov 2026 23:55:08 +0400 Բենզինի գինը ամերիկյան ավտոլցակայաններում…

4 ժամ ago

Վարչապետի և ընդդիմության բախումը, Թրամփ–Պուտին–Սի հանդիպումը․ Օրվա թոփ լուրերը

Վարչապետի և ընդդիմության բախումը, Թրամփ–Պուտին–Սի հանդիպումը․ Օրվա թոփ լուրերը Wed, 18 Nov 2026 23:55:01 +0400…

4 ժամ ago

«Ինչո՞վ է պայմանավորված «Քանդենք պետությունը» կուսակցության ոչ ադեկվատ վարքագիծը». Տաթևիկ Հայրապետյան

«Ինչո՞վ է պայմանավորված «Քանդենք պետությունը» կուսակցության ոչ ադեկվատ վարքագիծը». Տաթևիկ Հայրապետյան Wed, 18 Nov 2026…

4 ժամ ago

Քանյե Ուեսթն ու Բյանկա Ցենզորին պատրաստվում են հարսանիքի

Քանյե Ուեսթն ու Բյանկա Ցենզորին պատրաստվում են հարսանիքի Wed, 18 Nov 2026 23:45:34 +0400 49-ամյա…

4 ժամ ago