Ստացվում է՝ ոչ մեկդ ոչ մի բանի հետ կապ չունի

Ստացվում է՝ ոչ մեկդ ոչ մի բանի հետ կապ չունի

Wed, 28 Oct 2026 16:12:08 +0400


ԱԺ «Հայաստան» խմբակցության պատգամավոր Մեսրոպ Մանուկյանը Հաշվեքննիչ պալատի անդամի թեկնածու Կարեն Առուստամյանից հետաքրքրվել է՝ ինչ արդյունք են տվել կառույցի բացահայտումները, և արդյոք պետությանը պատճառված վնասները վերականգնվել են։

Մանուկյանը նշել է, որ Հաշվեքննիչ պալատի մի շարք աշխատակիցներ նախկինում աշխատել են Վերահսկիչ պալատում, որը ժամանակին քննադատության էր ենթարկվում նաև Նիկոլ Փաշինյանի կողմից։ Պատգամավորը հարցրել է՝ եթե նախկին ստուգումներով ֆինանսական խախտումներ են հայտնաբերվել, ապա ինչու պարզ չէ, թե ինչ պատասխանատվության են ենթարկվել մեղավորները և որքան գումար է վերադարձվել պետական բյուջե։

Մասնավորապես, նա անդրադարձել է 21 միլիարդ դրամի չափով արձանագրված խեղաթյուրմանը, Աշտարակի համայնքապետարանում հայտնաբերված 1.1 միլիարդ դրամի խեղաթյուրմանը, ինչպես նաև 2023 և 2024 թվականների հաշվետվություններում նշված՝ համապատասխանաբար 222 միլիոն և 548 միլիոն դրամի վնասներին։

Մանուկյանը նաև հարց է բարձրացրել Հաշվեքննիչ պալատի պահպանման ծախսերի վերաբերյալ՝ նշելով, որ կառույցի գործունեության համար տարեկան հատկացվում են հարյուր միլիոնավոր և ավելի քան մեկ միլիարդ դրամի հասնող միջոցներ։ Նրա խոսքով՝ հարկատուները պետք է հասկանան, թե ինչ արդյունք են ստանում այդ գումարների դիմաց, և արդյոք բացահայտված վնասները վերադարձվում են պետությանը։

Կարեն Առուստամյանը պատասխանել է, որ ֆինանսական խեղաթյուրումն ինքնին դեռ չի նշանակում չարաշահում։ Նրա խոսքով՝ Հաշվեքննիչ պալատի արդյունավետությունը պետք է գնահատել նաև նրանով, թե կառույցի առաջարկությունների շնորհիվ որքանով են բարելավվում պետական համակարգի աշխատանքն ու վերահսկողությունը, այլ ոչ միայն բյուջե վերադարձված գումարներով։

«Ստացվում է ոչ մեկդ ոչ մի բանի հետ կապ չունի, բայց ամենաշատը Վերահսկիչ պալատին և նրա նախագահին քննադատել է Նիկոլ Փաշինյանը»,- ասել է նա։

© 2026 Հրապարակ

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

4 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

4 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

4 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

4 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

4 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

4 ժամ ago