Մոսկվայում կայացավ «Ծաղկունք» միջազգային 10-րդ հոբելյանական փառատոնը

Մոսկվայում կայացավ «Ծաղկունք» միջազգային 10-րդ հոբելյանական փառատոնը

Thu, 29 Oct 2026 12:23:49 +0400


Հոկտեմբերի 25-ին Ռուսաստանի Դաշնության Մոսկվա քաղաքում կայացավ «Ծաղկունք» միջազգային 10-րդ հոբելյանական փառատոնը, որի շրջանակում «Մոսպրոդյուսեր» համերգասրահում իրականացվեցին երկու մեծամասշտաբ համերգային ծրագրեր։
Փառատոնը մեկ հարթակում համախմբեց տարբեր քաղաքներից և երկրներից ժամանած պարային համույթների, մասնակիցների և հայկական պարարվեստի ներկայացուցիչների՝ դառնալով մշակութային համագործակցության, ստեղծագործական փորձի փոխանակման և ազգային արժեքների հանրահռչակման կարևոր հարթակ։
Փառատոնի չորս փուլերն ամփոփվեցին հոբելյանական եզրափակիչ միջոցառմամբ՝ մասնակիցներին հնարավորություն ընձեռելով ներկայանալու միջազգային բեմում, ցուցադրելու իրենց ստեղծագործական ներուժը և արժանիորեն ներկայացնելու հայկական պարարվեստը։

«Ծաղկունք» միջազգային փառատոնը տարիների ընթացքում ձևավորվել է որպես մշակութային համագործակցության միջազգային հարթակ՝ միավորելով Հայաստանից և արտերկրից ժամանած պարային համույթներին։ Այն նպաստում է հայկական ազգային պարի պահպանմանը, զարգացմանն ու տարածմանը, ինչպես նաև տարբեր երկրների մշակութային համայնքների միջև կապերի ամրապնդմանը։

Փառատոնի կազմակերպիչ՝ «Կամուրջ» մշակութային կենտրոնի գործունեության առանցքում հայկական պարարվեստի և մշակույթի զարգացումն ու հանրահռչակումն է, ստեղծագործական խմբերի համար միջազգային բեմերում ներկայանալու հնարավորությունների ստեղծումը և Հայաստան–Սփյուռք մշակութային համագործակցության ընդլայնումը։
Մոսկվայում կայացած հոբելյանական փառատոնը ևս մեկ կարևոր քայլ էր այս առաքելության իրականացման ճանապարհին՝ շարունակելով հայկական մշակույթը միջազգային հարթակներում ներկայացնելու և տարբեր երկրներում ապրող հայերին ազգային արվեստի շուրջ համախմբելու նախաձեռնությունը։

«Ծաղկունք» միջազգային 10-րդ հոբելյանական փառատոնը դարձավ տարիների հետևողական աշխատանքի, մշակութային համագործակցության և հայկական պարարվեստի շուրջ ձևավորված մեծ համայնքի հերթական կարևոր հանգրվանը՝ նոր հնարավորություններ ստեղծելով հետագա միջազգային ծրագրերի իրականացման համար։

© 2026 Հրապարակ

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

6 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

6 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

7 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

7 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

7 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

7 ժամ ago