Թրամփի առաջարկած «անվտանգության գործարքը» կարող է վտանգավոր լինել Եվրոպայի համար. Զելենսկի
Sun, 08 Nov 2026 13:30:57 +0400
ԱՄՆ նախագահ Դոնալդ Թրամփի առաջարկած «անվտանգության գործարքը» կարող է վտանգավոր լինել, քանի որ Ռուսաստանից որևէ ազդանշան չի երևում, որ Մոսկվան պատրաստ է ինչ-որ բան անել այդ ուղղությամբ։ Այդ մասին CNN-ի եթերում հայտարարել է Ուկրաինայի նախագահ Վոլոդիմիր Զելենսկին՝ հավելելով՝ նախագահ Թրամփի գաղափարն ավելի շատ ռիսկեր է պարունակում Եվրոպայի, քան Ուկրաինայի համար։
«Մենք Եվրոպայի մաս չենք, մենք այդ ճանապարհին ենք, բայց Եվրամիության անդամ չենք։ Նաև ՆԱՏՕ-ի անդամ չենք։ Ուստի ես չեմ խոսում ՆԱՏՕ-ի և ԵՄ-ի անունից, բայց դա վտանգավոր է բոլորիս համար։ Մենք բոլորս ապրում ենք Եվրոպայում, և մենք պատրաստ չենք Յալթա-2 ձևաչափի։ Մենք չենք ուզում, որ Ռուսաստանը մեզ բաժանի։ Եվ, իհարկե, ինքնիշխանությունն ու տարածքային ամբողջականությունն առանցքային հարցեր են ցանկացած անկախ պետության համար»,– ասել է Զելենսկին։
Նա կարծիք է հայտնել, որ առաջին հերթին պետք է քննարկել պատերազմն ավարտելու հարցը։