Ռուբիոն հայտարարել է, որ Ուկրաինայի անվտանգության երաշխիքներին պետք է համաձայնի նաև Մոսկվան
Wed, 11 Nov 2026 17:26:41 +0400
Ուկրաինայի անվտանգության երաշխիքները պետք է այնպիսին լինեն, որ դրանց համաձայնի նաև Ռուսաստանը։ Այս մասին հայտարարել է ԱՄՆ պետքարտուղար Մարկո Ռուբիոն՝ ընդգծելով, որ այդ հարցը առանցքային նշանակություն ունի պատերազմի ավարտի շուրջ բանակցություններում։
Ռուբիոն նշել է, որ Ուկրաինայի համար հետպատերազմյան անվտանգության երաշխիքների վերջնական ձևաչափը դեռ որոշված չէ, և այս հարցի շուրջ տարբեր առաջարկներ են քննարկվում։ Նրա խոսքով՝ երաշխիքները պետք է ապահովեն, որ պատերազմից հետո Ուկրաինան իրեն անվտանգ զգա, սակայն դրանց գործարկման համար անհրաժեշտ է նաև Ռուսաստանի համաձայնությունը։
ԱՄՆ պետքարտուղարի խոսքով՝ անվտանգության երաշխիքները կարևոր պայման են, որպեսզի Կիևը կարողանա համաձայնել խաղաղության որևէ համաձայնագրի։ Միաժամանակ նա չի բացառել, որ այդ երաշխիքները կարող են ամրագրվել միջազգային պայմանագրով, սակայն ընդգծել է, որ այդ հարցը դեռ մանրամասն քննարկված չէ, իսկ նման պայմանագրերի վավերացումը ԱՄՆ Սենատում կարող է դժվարություններ առաջացնել։
Ռուբիոն այս հայտարարություններն արել է Փարիզում՝ G7-ի արտգործնախարարների հանդիպման շրջանակում, նոյեմբերի 10-11-ը Աբու Դաբիում նախատեսված՝ Ուկրաինայի, Ռուսաստանի և ԱՄՆ-ի մասնակցությամբ բանակցություններից առաջ։