ՀԱՊԿ-ի աշխատանքներին Հայաստանի չմասնակցելուն կազմակերպությունը կարձագանքի
Wed, 11 Nov 2026 17:30:22 +0400
Հայաստանը չի մասնակցում ՀԱՊԿ աշխատանքներին, և կազմակերպությունը կարձագանքի դրան։ Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը:
«Մենք չգիտենք, թե ինչ է ակնկալում Փաշինյանը, բայց այն, որ Հայաստանը չի մասնակցում ՀԱՊԿ աշխատանքներին՝ ակնհայտ է։ Եվ ՀԱՊԿ-ը, համապատասխանաբար, կարձագանքի դրան», – ասել է Պեսկովը լրագրողներին՝ պատասխանելով հարցին, թե ինչու է Նիկոլ Փաշինյանն «ընտրում ՀԱՊԿ-ին բոյկոտելը»՝ կազմակերպությունից դուրս գալու փոխարեն։
Ավելի վաղ ՌԴ ԱԳ նախարար Սերգեյ Լավրովը հայտնել էր, որ ՀԱՊԿ-ում Հայաստանին ձայնի իրավունքից զրկելու հարցը կազմակերպության անդամ-երկրները կքննարկեն նոյեմբերի 11-ին:
Հայաստանը 2024 թվականին հայտարարել է ՀԱՊԿ-ին մասնակցության սառեցման մասին և դադարեցրել անդամության համար վճարելը։