ՌԴ-ի, ԱՄՆ-ի և Ուկրաինայի եռակողմ բանակցություններն ավարտվեցին
Wed, 11 Nov 2026 17:42:21 +0400
Աբու Դաբիում ավարտվել են Ռուսաստանի, ԱՄՆ-ի և Ուկրաինայի պատվիրակությունների մասնակցությամբ եռակողմ բանակցությունները։
Այս մասին հայտնում է ՌԻԱ Նովոստին՝ հղում անելով բանակցային խմբի իր աղբյուրին։
Բանակցությունները տևել են գրեթե երկու ժամ։
Երեկ՝ նոյեմբերի 10-ին, Աբու Դաբիում Ռուսաստանի, ԱՄՆ-ի և Ուկրաինայի պատվիրակությունների մասնակցությամբ եռակողմ բանակցությունների առաջին օրն էր։ Պատվիրակությունները շփվել էին գրեթե 4 ժամ։
ԱՄՆ նախագահի փեսա Ջարեդ Քուշները կառուցողական է անվանել երեկվա բանակցությունները և հայտարարել, որ ամերիկյան կողմը ոգևորված է դրանց առաջին արդյունքներով:
Ռուսաստանի, ԱՄՆ-ի և Ուկրաինայի եռակողմ բանակցություններն անցկացվել են նոյեմբերի 10-11-ը:
Ինչպես ավելի վաղ հայտնել էր բանակցային խմբի ներկայացուցիչներից մեկը, հանդիպումն ուղղված է մայրցամաքային անվտանգության նոր համակարգի ձևավորման առանցքային ասպեկտների քննարկմանը: Ուկրաինական կարգավորումը մասշտաբային քննարկման կետերից միայն մեկն է։