Մեկնարկել է ՀԱՊԿ Հավաքական անվտանգության խորհրդի նիստը․ Հայաստանը ներկա չէ
Wed, 11 Nov 2026 18:00:27 +0400
Ռուսաստանը, որպես ՀԱՊԿ-ի այս տարվա նախագահող երկիր, գագաթնաժողովի օրակարգ է պատրաստել, որը գլոբալ անվտանգության հարցեր է ներառում։ Այս մասին հայտարարել է ՌԴ նախագահ Վլադիմիր Պուտինը՝ բացելով ՀԱՊԿ Հավաքական անվտանգության խորհրդի նիստը նեղ կազմով։
«Ռուսական կողմը, որպես ՀԱՊԿ-ի գործող նախագահող երկիր, պատրաստել և կազմակերպության բոլոր
անդամների հետ համաձայնեցրել է մեր նիստի օրակարգը, որը գլոբալ և տարածաշրջանային անվտանգության արդիական հարցերի քննարկում, ՀԱՊԿ-ի այս տարվա գործունեության ամփոփում և մեր փոխգործակցության հիմնական ուղղությունների վերաբերյալ նոր որոշումների ընդունում է ներառում», – նշել է ՌԴ նախագահը։
Խորհրդի նիստը մեկնարկել է Մոսկվայում։ Մասնակիցների թվում են Բելառուսի նախագահ Ալեքսանդր Լուկաշենկոն, Ղազախստանի նախագահ Կասիմ-Ժոմարտ Տոկաևը, Տաջիկստանի նախագահ Էմոմալի Ռահմոնը և Ղրղզստանի նախագահ Սադիր Ժապարովը։