Գազով հարուստ Իրանում գազի լուրջ խնդիր կա
Fri, 13 Nov 2026 14:30:04 +0400
Իրանի նահանգների ավելի քան մեկ երրորդում գազամատակարարման խնդիր կա։ Այս մասին հայտարարել է երկրի նավթի փոխնախարար և Իրանի ազգային գազային ընկերության ղեկավար Սաիդ Թավաքոլին:
Ավելի վաղ Իրանի փոխնախագահ Մոհամմադ Ջաֆար Գաեմ-Փանահը զգուշացրել էր, որ գազի պակասի պատճառով կարող է սահմանափակվել ձեռնարկությունների ու էլեկտրակայանների աշխատանքը, կարող են սահմանափակումներ կիրառվել նաև բնակչության համար: Այսօր երկրում գազի պակասը կազմում է օրական շուրջ 530 միլիոն խորանարդ մետր: Նախորդ տարի այդ ցուցանիշը 300 միլիոն էր, սակայն ռազմական գործողությունների պատճառով ավելացել է 230 միլիոնով։
«Այս տարին չափազանց բարդ էր գազամատակարարման տեսանկյունից։ Երկրի առնվազն 11 նահանգում գազի հետ կապված իրավիճակը, կարելի է ասել, լարված է», – ասել է Թավաքոլին։