Արսեն Գեւորգյանի դատավորն ինքնաբացարկ հայտնեց
Fri, 13 Nov 2026 19:19:12 +0400
Մեր տեղեկություններով՝ Հակակոռուպցիոն դատարանի դատավոր Արամ Գրիգորյանը, որը Ստեփանավանի համայնքապետի թեկնածու Արսեն Գևորգյանի նկատմամբ երկամսյա կալանքի որոշում էր կայացրել, նրա մահից հետո ինքնաբացարկ է հայտնել: Պարզվում է` բուն գործի քննությունը եւս նրա վարույթում է հայտնվել: Հիշեցնենք, որ Գեւորգյանն ու ևս 13 մեղադրյալ են անցնում այդ գործով, նրանք մեղադրվում են ընտրակաշառք տալու եւ վերցնելու համար։ Նրանցից վեցը կալանավորված է, չորսը՝ տնային կալանքի տակ, մյուսների նկատմամբ կիրառվել է բացակայելու արգելք, իսկ 46-ամյա Գեւորգյանը մահացել է կալանավայրում։ Իր ինքնաբացարկի հիմնավորման մեջ դատավոր Արամ Գրիգորյանը նշել է, որ թեև ինքն անձամբ համարում է, որ կարող է անաչառ քննել գործը, այնուամենայնիվ, նախաքննության ընթացքում Գևորգյանի նկատմամբ կալանավորման որոշում կայացրած լինելու հանգամանքը կարող է անաչառ դիտորդի մոտ կողմնակալության տպավորություն ստեղծել, ուստի ինքնաբացարկ է հայտնում եւ հաժարվում այդ գործը քննելուց։