Մոնտաժված տեսանյութերը դառնում են իրավապահ մարմինների կողմից մատուցված մանիպուլյացիա

Մոնտաժված տեսանյութերը դառնում են իրավապահ մարմինների կողմից մատուցված մանիպուլյացիա

Mon, 16 Nov 2026 13:11:05 +0400


«Ուժեղ Հայաստան» կուսակցության խորհրդի անդամ, սահմանադրական իրավունքի մասնագետ Գոհար Մելոյանը Հայաստանում մարդու իրավունքների, մասնավորապես՝ քաղաքական ազատությունների սահմանափակումները համարել է պետության առջև ծառացած լուրջ խնդիրներից մեկը։

Այս մասին նա հայտարարել է «Հայաստանի Հանրապետությունում ժողովրդավարության հետընթացը, քաղաքական հալածանքների ենթարկվող անձանց իրավունքների պաշտպանությունը և իրավական երաշխիքները» թեմայով խորհրդարանական լսումների ընթացքում։

Մելոյանի խոսքով՝ Հայաստանում հայրենասիրական դիրքորոշում արտահայտող և ազգային արժեքների պաշտպանության մասին խոսող քաղաքացիները ենթարկվում են հետապնդումների։

Նա նշել է, որ ժամանակին ժողովրդավարության առաջամարտիկ ներկայացող իշխանությունն այսօր, իր գնահատմամբ, քաղաքական հայացքների համար քաղաքացիներին քրեական հետապնդման ենթարկող համակարգ է ձևավորել։

Անդրադառնալով կալանքի կիրառման պրակտիկային՝ Մելոյանը հայտարարել է, որ խափանման այս միջոցը, որը պետք է կիրառվի միայն բացառիկ հանգամանքներում, փաստացի օգտագործվում է մարդկանց պատժելու նպատակով։

Նրա գնահատմամբ՝ խնդիրները չեն սահմանափակվում միայն իրավունքների սահմանափակմամբ։ Մելոյանը պնդել է, որ քաղաքական հետապնդումներին հաճախ ուղեկցում են քաղաքացիների հեղինակությանը վնասելու և հանրային թիրախավորման գործողությունները։ Նա, մասնավորապես, նշել է մոնտաժված տեսանյութերի կիրառման դեպքերը՝ դրանք համարելով մանիպուլյացիայի գործիք։

«Ոչ միայն մարդու պատիվ ու արժանապատվությունն են թիրախավորվում, ոչ միայն անմեղության կանխավարկածն է հարվածի տակ ընկնում, այլ լրջագույն հետևանքն է ունենում մարդու ճակատագրի վրա, թողնում է չջնջվող սպիներ»,- հայտարարել է նա։

Մելոյանն անդրադարձել է նաև Արսեն Գևորգյանի մահվանը՝ պնդելով, որ նա մահացել է մի վայրում, որտեղ գտնվել է պետության վերահսկողության ներքո և որտեղ, իր համոզմամբ, նման դեպք չպետք է տեղի ունենար։

Նա հայտարարել է, որ իրենց պահանջը ոչ միայն Արսեն Գևորգյանի մահվան հանգամանքների արդար քննությունն է, այլև քաղաքական դրդապատճառներով կալանավորված անձանց կրած վնասների և կորցրած տարիների համար արդարության վերականգնումը։

Ելույթի ավարտին Գոհար Մելոյանն առաջարկել է խորհրդարանական վերահսկողություն սահմանել Արսեն Գևորգյանի մահվան դեպքի քննության նկատմամբ, ինչպես նաև ուսումնասիրել քաղաքական դրդապատճառներով կալանավորված անձանց գործերը և նրանց պահման պայմանները։

© 2026 Հրապարակ

Source: Hraparak

Hraparak.am

Recent Posts

Ես իմ մեղքը չեմ ընդունել․ Մասիս Մելքոնյան

Ես իմ մեղքը չեմ ընդունել․ Մասիս Մելքոնյան Mon, 16 Nov 2026 13:55:59 +0400 «Նախաքննական մարմինն…

9 րոպե ago

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ

Հեռուստաընկերությունը պարտավոր է զերծ մնալ բռնության օրինականացումից եթերում. ՀՌՀ Mon, 16 Nov 2026 13:51:14 +0400…

14 րոպե ago

Կբացահայտվի՝ երբ և ինչու խզվեցին հարաբերությունները

Կբացահայտվի՝ երբ և ինչու խզվեցին հարաբերությունները Mon, 16 Nov 2026 13:49:35 +0400 Հայ ազգային կոնգրեսի…

15 րոպե ago

Արդյո՞ք հաջողվել է մարդկանց վերջնականապես անասնացնել, հուսով եմ՝ ոչ

Արդյո՞ք հաջողվել է մարդկանց վերջնականապես անասնացնել, հուսով եմ՝ ոչ Mon, 16 Nov 2026 13:45:28 +0400…

19 րոպե ago

Բորիս Մուրազին՝ Հանրայինի եթերում տեղի ունեցած ծեծկռտուքի մասին

Բորիս Մուրազին՝ Հանրայինի եթերում տեղի ունեցած ծեծկռտուքի մասին Mon, 16 Nov 2026 13:39:10 +0400 Լրագրող…

26 րոպե ago

Ռուսաստանը և Վրաստանը վերականգնել են ուղիղ շփումները

Ռուսաստանը և Վրաստանը վերականգնել են ուղիղ շփումները Mon, 16 Nov 2026 13:30:11 +0400 Ռուսաստանը և…

35 րոպե ago