Հանրայինի հերթական շոուն

Հանրայինի հերթական շոուն

Mon, 16 Nov 2026 17:15:24 +0400


Ազգային ժողովում կամ հանրային բնույթի այլ վայրերում ծագող ծեծկռտուքին սովորաբար չեմ անդրադառնում: Քանի որ վերջին հաշվով դա անելն իմաստ չունի. այն կշարունակվի այնքան ժամանակ, որքան կգոյատևեի Նիկոլի անձնական իշխանությունը: Որովհետև այդ էքսցեսները (միջադեպերը), բառիս բուն իմաստով, անհրաժեշտ են անձամբ Փաշինյանին: Դրանով, նախ, հայաստանյան հասարակությունում սերմանվում է վախի մթնոլորտ: Երկրորդ, կոմպրոմատներ են հավաքագրվում սեփական թիմի անդամների նկատմամբ: Ինչի նպատակը, փոխաբերաբար ասված, նրանց շղթաների մեջ պահելն է: Եվ երրորդ, ինչը պակաս կարևոր չէ, փաշինյանասեր բիոզանգվածին շոուներ մատուցելն է: Ու այդ գործոննների առկայության պայմաններում նման երևույթին անդրադառնալն անիմաստ է:

Բայց Հանրային հեռուստատեսությամբ ներկայացվածի առումով ուզում եմ բացառություն անել: Որովհետև Բորիս Մուրազի – Մկրտչյան Հարություն բախման առումով որոշ նրբերանգներ են առկա: ՀՀ վարչապետի պաշտոնը զբաղեցնող անձը սիրում է, չէ՞, նրբերանգներ բացահայտելը: Տրամադրեմ նրան մի այդպիսի օրինակ: Քաղաքագետ Հ. Մկրտչյանը հայտնի դարձավ ոչ թե իր մասնագիտական ունակությունների, այլ ստալինյան ժամանակաշրջանին բնորոշ՝ մատնություն կատարելու շնորհիվ: Վերջինիս ամբաստանագրի արդյունքում կալանավորվեցին, այնուհետև դատապարտվեցին Վեհափառի եղբայրն ու նրա որդին: Առիթը՝ նախընտրական քարոզչությունն իբրև թե խոչընդոտելն էր: Ճիշտ է, երկուսի ազատազրկումն էլ պայմանական էր, սակայն տղայի առումով ավելի դաժան վարվեցին: Պայմանականը գործելու է մինչև վերջինիս զավակի վեց տարեկան դառնալը:

Ինչևէ, նման «սխրագործությունից» հետո Հարությունը պետք է որ ավելի համարձակ դառնար: Ու անցներ բարեկրթության բոլոր սահմանները՝ հատկապես եթե իրենից նման վարքագիծ է ակնկալում կուսակցական իր ղեկավար Սարգսյան Արամի արտակուսակցական ղեկավարը: Ով այդ մասին, առանց դույզն իսկ ամաչելու, հայտարարել է հրապարակավ: Այսինքն, երբեմնի «դուխով Նիկոլը, ով 44-օրյա պատերազմի խայտառակ պարտությունից հետո վերածվեց «խեղճ հարիֆի»: Ու թշնամուց ստացած նվաստացումները փորձում է փոխհատուցել ընդդիմախոս իր հայրենակիցների հաշվին. եթե, իհարկե, ինքը հայ է կամ իրեն հայ է զգում:
Իսկ ո՞վ է դիմացինը: Բորիսն ազգությամբ եզդի հայրենասեր հայաստանցի է: Իմ անձնական կարծիքով (դա շեշտում եմ, չնայած կարծիքը միշտ էլ անձնական է կամ սուբյեկտիվ) ինքը շատ ավելի հայ է, քան ազգությամբ հայ՝ 1 միլիոնից ավելի անձինք: Համենայն դեպս, 727 հազարի հասնող այն բիոզանգվածը, ով հունիսի 7-ին ընտրեց ՔՊ-ին: Կամ մոտ կես միլիոնի հասնող երկոտանի այն անտարբերները, ովքեր «լայաղ» չարեցին այդ օրը դուրս գալ տնից ու հասնել ընտրատեղամաս: «Լայաղ»-ի օգտագործումը նպատակային էր. այն արաբերեն բառ է՝ հայերենի բարբառներին անցած թուրքերենի միջոցով: Հաշվի առնելով, որ վերոնշյալ բիոզանգվածն ու անտարբեր զանգվածը ոչնչով լավը չեն թուրքերից: Բորիսը մարդ է, ով կարող էր մտածել, որ 44-օրյա պատերազմը հայության խնդիրն է, ու մնար տանը և ոչ թե կամավոր մեկներ Արցախ: Ինչն, ի դեպ, կազմակերպվել է «Սինջար եզդիների ազգային միավորում» ՀԿ-ի (հասարակական կազմակերպության) միջնորդությամբ:

Հետաքրքիր է, թե ինչպես են այս դեպքին արձագանքելու իրավապահները: Կարող են որևէ ձևով չարձագանքել, ու միջադեպը կանցնի կգնա: Հատկապես որ Մկրտչյանն իր ֆեյսբուքյան էջում միջադեպի մասին գրառում էր արել ու ստացել բազմաթիվ մեկնաբանություններ: Ու դրանցում նրա համակիրներն ազգային պատկանելության հիմքով թիրախավորել են Բորիս Մուրազիին: Ինչին ի պատասխան հայտարարություն էր տարածել վերը նշված ՀԿ-ն: Բորիս Մուրազին դրա համահիմնադիրներից է ու նաև ղեկավարը: Ի դեպ, ենթադրաբար, հենց Մուրազիի անձով պայմանավորված՝ «ՍԻՆՋԱՐ» ՀԿ-ն 2025 թ.-ի հունիսին մտահոգություն էր հայտնել Հայ Առաքելական Սուրբ Եկեղեցու և Ամենայն Հայոց Կաթողիկոս Գարեգին Երկրորդի դեմ ուղղված արշավի կապակցությամբ։ Դա շեշտելու նպատակը հաշվի առնելն է, որ ազգային փոքրամասնությունները սովորաբար կողմ են լինում գործող իշխանությանը: Հայ համայնքների վարքագծի առումով այդ կանոնը գործում է նաև Վրաստանում և Ռուսաստանում:

© 2026 Հրապարակ

Source: Hraparak

Hraparak.am

Recent Posts

Էն ժամանակվա հեքիաթներն էլ պղծեցին

Էն ժամանակվա հեքիաթներն էլ պղծեցին Tue, 17 Nov 2026 18:00:13 +0400 Latest news from Հրապարակ…

13 րոպե ago

Պայքարում են հանուն Փաշազադեի պատվերների կատարման և Ալիևի սահմանադրական պահանջների բավարարման

Պայքարում են հանուն Փաշազադեի պատվերների կատարման և Ալիևի սահմանադրական պահանջների բավարարման Tue, 17 Nov 2026…

28 րոպե ago

Համաձայնեցնում են երեք առաջնորդների համատեղ հայտարարության տեքստը

Համաձայնեցնում են երեք առաջնորդների համատեղ հայտարարության տեքստը Tue, 17 Nov 2026 17:30:56 +0400 Ռուսաստանը, Միացյալ…

43 րոպե ago

Կամ թույլ կլինենք, ու մեզ կխժռեն, կամ խելացի կլինենք ու կհաղթահարենք․ Աղվան Վարդանյանի հայտարարությունը

Կամ թույլ կլինենք, ու մեզ կխժռեն, կամ խելացի կլինենք ու կհաղթահարենք․ Աղվան Վարդանյանի հայտարարությունը Tue,…

59 րոպե ago

Հանցագործության մասին հաղորդում է ներկայացվել. դատախազ

Հանցագործության մասին հաղորդում է ներկայացվել. դատախազ Tue, 17 Nov 2026 17:11:00 +0400 Latest news from…

1 ժամ ago

Պատվիրատուներից մեկը Մհեր Ախտոյանն ա. Վալոդյա Գրիգորյանի հորեղբայրը բացահայտումներ է անում

Պատվիրատուներից մեկը Մհեր Ախտոյանն ա. Վալոդյա Գրիգորյանի հորեղբայրը բացահայտումներ է անում Tue, 17 Nov 2026…

1 ժամ ago