Ֆրանսիացի հարձակվողի համար գին են սահմանել
Mon, 16 Nov 2026 20:00:45 +0400
Մյունխենի «Բավարիան» սահմանել է ֆրանսիացի հարձակվող Մայքլ Օլիսեի հանդեպ տրանսֆերային գին։ Դա պայմանավորված է մարզիկի հանդեպ Մադրիդի «Ռեալի» կողմից ցուցաբերված կայուն հետաքրքրությամբ։ Համաձայն Diario AS-ի, գերմանական ակումբը ֆրանսիացի քսանչորսամյա մարզիկի համար սահմանել է 200-300 միլիոն եվրոյի գին։ Օլիսեի եւ մյունխենցիների պայմանագիրը գործելու է մինչեւ 2029 թվականի ամառը։ Բացի այդ, «Բավարիան» բանակցություններ է վարում՝ եղած պայմանագիրը թարմացնելու եւ գործողության ժամկետը երկարաձգելու համար։ Սակայն նաեւ չի բացառվում, որ Օլիսեն ուզենա տեղափոխվել։