«Եզդիների տանը» փակցված է Հայաստանի քարտեզը՝ Արցախի հետ միասին
Mon, 16 Nov 2026 21:45:32 +0400
Նոյեմբերի 15-ին Արմավիր քաղաքի կենտրոնում, Հանրապետության փողոցի 28 հասցեում բացվեց «Եզդիների տուն» կենտրոնը։ Կենտրոնը եզդի, հայ քաղաքացիների համար իրականացնելու է իրավապաշտպան, կրթական, մշակութային գործունեություն։ Կենտրոնի ստեղծումը ազգությամբ եզդի իրավապաշտպան Այսեր Իսայանի նախաձեռնությունն է։ Բացման արարողության ժամանակ բարձրացվեցին ՀՀ պետական և եզդիների դրոշները, կենտրոնի նշանակության, հայ և եզդի ժողովուրդների բարեկամության մասին խոսք ասացին Այսեր Իսայանը ,բժիշկ Ռուստամ Շամոյանը, փաստաբան Գեղամ Հակոբյանը, «Արագած աշխարհ» թերթի խմբագիր Վարդևան Գրիգորյանը, փիր Մամեն և այլք։ Կենտրոնի սենյակներում եզդի, հայ հերոսների նկարներն են։ Կենտրոնի 3 սենյակներից մեկում «Իմ երկու հայրենիքները» խորագրի ներքո պատին պատկերված է ՀՀ քարտեզը՝ Արցախի հետ և 2014թ․ օգոստոսի 3-ի՝ Շանգալի եզդիների ցեղասպանության օրվա մասին գրառում է։ «Եզդիների տուն» կենտրոնը հագեցած է համակարգչային տեխնիկայով, գույքով, որը եզդի բարեգործների նվիրատվությունն է։ Միջոցառմանը ներկա չէին Արմավիրի մարզպետ Վահրամ Խաչատրյանը, Արմավիր համայնքի ղեկավար Վարշամ Սարգսյանը, այլ պաշտոնյաներ։