Նախկինում իշխանության որեւէ ներկայացուցիչ նման բան ասեր՝ միանգամից ԵՄ դեսպանից զանգ կստանար

Նախկինում իշխանության որեւէ ներկայացուցիչ նման բան ասեր՝ միանգամից ԵՄ դեսպանից զանգ կստանար

Tue, 17 Nov 2026 20:45:15 +0400


ԱԺ-ում երեկ լսումներ էին քաղբանտարկյալների թեմայով: Բացի ընդդիմադիր ուժերի պատգամավորներից, լսումներին հրավիրվել ու ելույթներ են ունեցել ընդդիմադիր հայացքներով բազմաթիվ հասարակական ու քաղաքական գործիչներ: ՔՊ-ական պատգամավորներն այսօր մեկնարկած ԱԺ քառօրյայում արդեն իսկ դժգոհություններ էին արտահայտում երեկ ԱԺ ամբիոնից հնչած որոշ մտքերի վերաբերյալ, մեկը կես լուրջ-կես կատակ ասում էր, թե լավ կլիներ, որ իրենք նախապես իմանային, թե ովքեր են լինելու հրավիրյալների ցուցակում:

ԱԺ նախկին պատգամավոր Նաիրա Զոհրաբյանից «Հրապարակը» հետաքրքվեց, հնարավո՞ր է, որ ՔՊ-ն մի այնպիսի կարգավորում մտցնի, որ նման լսումներին կարողանան մասնակցել միայն իրենց կողմից թույլատրված անձինք: Զոհրաբյանը պատասխանեց, որ ոչ մի բանի վրա չի զարմանա:

«Երևի թե իրենց դուր չի եկել այն փաստի բարձրաձայնումը, որ Հայաստանը նախնական կալանքի տարված մարդկանց թվով Եվրոպայի առաջատարն է` 52 տոկոս է, այսինքն, բերդում գտնվողներից ամեն երկրորդը դատավճիռ չունեցող, նախնական կալանքի տարված մարդիկ են, որոնց մեղավորությունը մեծապես կասկածի տակ է: Եվրոպայում նման թվեր չկան, նույնիսկ Ադրբեջանում նախանական կալանքի տակ գտնվող մարդկանց թիվը կազմում է 22 տոկոս, իսկ Հայաստանում ՝ 52 տոկոս: Սրանք Եվրոպայի խորհրդի, Եվրոպայի գնահատականներն են: Հայաստանը առաջատարներից է, որ Նուբարաշեն քրեակատարողական հիմնարկը սպանդանոց է, այնտեղ չի գործում ոչ օդափոխության, ոչ կանալիզացիայի, ոչ սանիտարա-հիգիենիկ որևէ պայման և դեռ նույնիսկ Սրբուհի Գալյանն էր 2024 թվականին ասում, որ այդ քրեակատարողական հիմնարկը պիտի փակվի: Եվ դեռ իմ՝ հանձնաժողովի նախագահ եղած ժամանակ, Եվրոպայի հիմնական պահանջներից մեկն էր, մասնավորապես` Եվրոպայի խորհրդի խոշտանգումների դեմ կոմիտեի պահանջներից մեկն էր, որ այդ քրեակատարողական հիմնարկը պիտի փակվի: Ի՞նչն է այնտեղ (քննարկմանը` Հ. Ա.) իրենց համար եղել արտառոց, որ հիմա էլ որոշել են մի հատ էլ զտումներ, չիստկաներ անել, մի հատ էլ ցուցակ իրենց ներկայացվի՝ ով պիտի մասնակցի, ով` ոչ: Սա կոպիտ խախտում է խորհրդարանական երկրի չափորոշիչների, սա կոպտագույն խախտում է ԱԺ կանոնակարգի ու սահմանադրության»,-ասաց Զոհրաբյանը:

Նախկին պատգամավորը հույս հայտնեց, որ խորհրդարանական ընդդիմադիր որևէ խմբակցություն ոչ թաքուն, ոչ էլ հրապարակային ՔՊ-ին որևէ ցուցակ չի ներկայացնի, և որևէ անուն չի ճշտի իրենց հետ: «Հիմա մի սև ցուցակ ունենք՝ ում են հրավիրում Հ1, ում չեն հրավիրում, հիմա էլ մի black- լիստ ունենան, թե ում կարելի է խորհրդարանական որևէ քննարկման կամ լսումի մասնակցել, կամ` ոչ: Ինձ համար բացարձակապես միևնույն է, ես իմ ասելիքը ցանկացած այլ հարթակից ներկայացնում եմ: Բայց եթե նախկին որևէ իշխանության ժամանակ նման միտք անգամ իշխանության որևէ ներկայացուցչի անունից հնչեր, անմիջապես Հայաստանում ԵՄ դեսպանից կստանար մի հատ ծլնգոցով զանգ»,-եզրափակեց Նաիրա Զոհրաբյանը:

© 2026 Հրապարակ

Source: Hraparak

Hraparak.am

Recent Posts

Վեպ՝ մարդ մնալու իրավունքի մասին

Վեպ՝ մարդ մնալու իրավունքի մասին Tue, 17 Nov 2026 21:00:27 +0400 Սոնա Աբգարյանի «Եվա» վեպը,…

13 րոպե ago

Ամուսնու համերգին դժվարությամբ է տեղաշարժվել

Ամուսնու համերգին դժվարությամբ է տեղաշարժվել Tue, 17 Nov 2026 20:55:02 +0400 77-ամյա ռուս հայտնի երգչուհի…

18 րոպե ago

Մահացել է ՀՀ ժողովրդական արտիստ Հակոբ Ազիզյանը

Մահացել է ՀՀ ժողովրդական արտիստ Հակոբ Ազիզյանը Tue, 17 Nov 2026 20:52:53 +0400 Խոր ցավով…

20 րոպե ago

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում

Թեյլոր Սվիֆթը կրկնել է ռեկորդը․ 5 ալբոմ անընդմեջ՝ «Գրեմմիի» գլխավոր պայքարում Tue, 17 Nov 2026…

21 րոպե ago

ՔՊ-ից ընդամենը մեկը ցավակցեց Արսենի մահվան հետ կապված, պիտի չկորցնենք մարդկայնությունը

ՔՊ-ից ընդամենը մեկը ցավակցեց Արսենի մահվան հետ կապված, պիտի չկորցնենք մարդկայնությունը Tue, 17 Nov 2026…

32 րոպե ago

Հնարավոր է առանձին հանդիպում Պուտինի հետ

Հնարավոր է առանձին հանդիպում Պուտինի հետ Tue, 17 Nov 2026 20:30:44 +0400 ԱՄՆ նախագահ Դոնալդ…

43 րոպե ago