Պակիստանի քաղաքացուն դատապարտել են 27,5 տարվա ազատազրկման

Պակիստանի քաղաքացուն դատապարտել են 27,5 տարվա ազատազրկման

Wed, 18 Nov 2026 22:05:34 +0400


Պակիստանի քաղաքացի Ասիֆ Մերչանթը դատապարտվել է 27,5 տարվա ազատազրկման՝ ԱՄՆ նախագահ Դոնալդ Թրամփի և ամերիկյան կառավարության այլ բարձրաստիճան պաշտոնյաների դեմ մահափորձ կազմակերպելու համար։ Այս մասին հայտնում է ԱՄՆ արդարադատության նախարարությունը։

Նշվում է, որ Մերչանթը կամավոր անդամագրվել է Իսլամական հեղափոխության պահապանների կորպուսին (ԻՀՊԿ), ապա մեկնել ԱՄՆ՝ սպանությունն իրականացնող անձանց վարձելու նպատակով։

ԱՄՆ արդարադատության նախարարության տվյալներով՝ Մերչանթի հիմնական թիրախը պետք է լիներ Թրամփը։ Մյուս հնարավոր թիրախներն էին ԱՄՆ նախկին նախագահ Ջո Բայդենը և ՄԱԿ-ում ԱՄՆ նախկին մշտական ներկայացուցիչ Նիկի Հեյլին։

Գերատեսչության տվյալներով՝ Մերչանթը ԱՄՆ է ժամանել 2024 թվականին և անմիջապես կապ է հաստատել իր ծանոթներից մեկի հետ, որը պետք է օգներ նրան։ Սակայն այդ ծանոթը նրա մտադրությունների մասին հայտնել է Հետաքննությունների դաշնային բյուրոյին (ՀԴԲ) և սկսել համագործակցել ամերիկյան կողմի հետ՝ որպես տեղեկատու։ Ծանոթի միջոցով Մերչանթը կապ է հաստատել ենթադրյալ վարձու մարդասպանների հետ, որոնք իրականում ՀԴԲ-ի աշխատակիցներ էին։ 2026 թվականին նա նրանց փոխանցել է պատվերի կատարման համար նախատեսված կանխավճարը, ինչից կարճ ժամանակ անց ձերբակալվել է։

Մերչանթը խոստովանել է, որ դավադրության շարժառիթը Իրանի՝ ԻՀՊԿ նախկին հրամանատար Ղասեմ Սոլեյմանիի սպանության համար վրեժ լուծելու ցանկությունն էր։ Սոլեյմանին սպանվել էր 2020 թվականի հունվարին՝ ամերիկյան անօդաչու թռչող սարքի հարվածի հետևանքով։

© 2026 Հրապարակ

Source: Hraparak

Hraparak.am

Recent Posts

Նիկոլին այլևս իր ընտրողները չեն հետաքրքրում

Նիկոլին այլևս իր ընտրողները չեն հետաքրքրում Fri, 20 Nov 2026 00:15:06 +0400 Շատ ընդդիմադիրներ կարծում…

3 ժամ ago

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան

Նախ վերացրեք քաղաքական հետապնդումների գործիքները, հետո խոսեք հանրաքվեից. փաստաբան Fri, 20 Nov 2026 00:05:57 +0400…

3 ժամ ago

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

4 ժամ ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

4 ժամ ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

4 ժամ ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

4 ժամ ago