Նիկոլն ասում է՝ հեղափոխություն արեք, Աննան անում է․․․

Նիկոլն ասում է՝ հեղափոխություն արեք, Աննան անում է․․․

Thu, 19 Nov 2026 14:45:02 +0400


Նիկոլ Փաշինյանի՝ «հեղափոխություն արեք, ինձ հեռացրեք» կոչն իր ընտանիքում ավելի լուրջ են ընդունել, քան ընդդիմությունը։ Մինչ ընդդիմությունը մտածում է՝ որտեղ է իրեն գցում, Աննա Հակոբյանն արդեն սկսել է հեղափոխական շարժումները։
Հիշեցնենք, որ Աննայի առաջին հեղափոխական ճակատը ընտանեկան բռնությունների դեմ պայքարն էր։ Դա հրաշալի հնարավորություն էր՝ ծանոթանալու, թե ինչ հնարքներով են ամուսինները միմյանց ծեծում, վիրավորում ու ընտանեկան հարաբերությունները վերածում մարտադաշտի։ Հետո անցավ Տիգրան Ավինյանին։

Սոցիալական ցանցերում հրապարակած տեսանյութերով սկսեց քննադատել Երևանում առկա տրանսպորտային խցանումները՝ հեգնելով քաղաքային իշխանություններին ու քաղաքապետ Տիգրան Ավինյանին։ Մի ժամանակ Տիգրան Ավինյանի հայրը «Օպելի» վարորդներին համբալ էր անվանում։ Ավինյանը ավելի հեռուն գնաց։ Ասաց՝ պետք է պարզել՝ ինչ մակնիշի մեքենա ես վարում, ինչ եվրոստանդարտի է համապատասխանում, որ վարչական շրջանում ես ապրում և, ամենակարևորը, արդյոք արժանի՞ ես Երևանի փողոցներով երթևեկելու արտոնությանը։ Սա ուղղակի Աննա Հակոբյանի հեղափոխության համար միս ու արյուն էր։ Մարդիկ պիտի ,,սաղ- սաղ ուտեին,, Ավինյանին, բայց նման բան տեղի չունեցավ, որովհետև Ավինյանին քննադատողը Աննա Հակոբյանն էր։ Տիկինը տեսավ, որ իր քննադատելուց հետո Տիգրան Ավինյանին քննադատողներն էլ լռեցին, նոր ուղղություն վերցրեց։ Այս անգամ թիրախը պաշտպանության նախարարությունն է։ Իր օգնական Ստելլա Սարուխանյանի միջոցով հայտարարություն հնչեց, որ ՊՆ-ում «տոտալ բարդակ է», և պատրաստվում է հաղորդում ներկայացնել։ Ո՞վ է տեսել, որ վարչապետի կնոջ օգնականը նման հայտարարություն անի՝ առանց տիկնոջ գիտության ու համաձայնության։ Այն էլ՝ մի կառույցի մասին, որի ղեկավարը Նիկոլի սրտի նախարարն է։

Աննան հեղափոխությունը փուլերով է իրականացնում։ Առաջին ճակատում՝ ընտանեկան բռնություն, երկրորդում՝ քաղաքապետարան, երրորդում՝ պաշտպանության նախարարություն։ Հետո ու՞մ հերթն է։ Մնում է՝ Նիկոլը մի օր արթնանա ու պարզի, որ հեղափոխությունն արդեն հասել է կառավարության ամենաբարձր հարկաբաժին։ Սա 2018-ի նման հեղափոխություն չի լինի։ Այս անգամ հեղափոխության մեկնարկը ոչ թե փողոցում կլինի, այլ ընտանեկան խոհանոցում։ 2018-ին Նիկոլն էր հեղափոխություն անում, ժողովրդին հանում փողոց։ Հիմա Նիկոլը հեղափոխության կոչ է անում, Աննան հեղափոխություն է անում։

© 2026 Հրապարակ

Source: Hraparak

Hraparak.am

Recent Posts

Ադրբեջանը թույլ չի տալիս, որ Հայաստանը միանա անհետ կորածների հարցերով միջազգային նախաձեռնությանը

Ադրբեջանը թույլ չի տալիս, որ Հայաստանը միանա անհետ կորածների հարցերով միջազգային նախաձեռնությանը Fri, 20 Nov…

8 րոպե ago

Պահանջել են իրականացնել հանրաքվե, որի արդյունքներով պիտի լուծարվի ՀՀ-ն

Պահանջել են իրականացնել հանրաքվե, որի արդյունքներով պիտի լուծարվի ՀՀ-ն Fri, 20 Nov 2026 16:06:27 +0400…

13 րոպե ago

Ռուսները հիմա էլ Լեհաստանի վրա՞ են հարձակվել

Ռուսները հիմա էլ Լեհաստանի վրա՞ են հարձակվել Fri, 20 Nov 2026 16:00:25 +0400 Լեհաստանի պաշտպանության…

19 րոպե ago

Անգամ շքամուտքի ոտնաձայները նմանեցնում ենք մեր որդիների ոտնաձայներին. Անհայտ կորածի մայր

Անգամ շքամուտքի ոտնաձայները նմանեցնում ենք մեր որդիների ոտնաձայներին. Անհայտ կորածի մայր Fri, 20 Nov 2026…

23 րոպե ago

Սիրուշոն ազդարարել է «Պրեգոմեշ մթերք 2» հավաքածուի թողարկման մասին

Սիրուշոն ազդարարել է «Պրեգոմեշ մթերք 2» հավաքածուի թողարկման մասին Fri, 20 Nov 2026 15:45:23 +0400…

34 րոպե ago

Պուտինը եվրոպական ներկայացուցիչներին առաջարկել է այցելել Ռուսաստան

Պուտինը եվրոպական ներկայացուցիչներին առաջարկել է այցելել Ռուսաստան Fri, 20 Nov 2026 15:30:27 +0400 Ռուսաստանի նախագահ…

49 րոպե ago