Միջադեպից ի՞նչ կա

Wed, 04 Mar 2026 13:14:47 +0400

Ազգային ժողովի պատգամավոր Հովիկ Աղազարյանը դիմեց ՀՀ հակակոռուպցիոն կոմիտեի նախագահ Արթուր Նահապետյանին՝ հետաքրքրվելով 2024 թվականի հոկտեմբերին իր և պարոն Քյարամյանի միջև տեղի ունեցած տհաճ միջադեպի հետ կապված քրեական վարույթի ընթացքի մասին։

Աղազարյանի խոսքով, իր փաստաբանը դիմել էր դատախազություն՝ պահանջելով հարուցել քրեական վարույթ՝ միջադեպի բոլոր հանգամանքները պարզելու համար, քանի որ հնչել էին պնդումներ, թե ինչ-որ մեկը անպայման պետք է հանցանք կատարած լիներ։ «Գործը հարուցվեց, ինձ մեկ անգամ կանչեցին հարցաքննության, առգրավեցին հեռախոսս և դրանից հետո այլ ընթացք չի եղել», – ասաց պատգամավորը։

Նախարար Արթուր Նահապետյանն արձագանքեց, որ այս ամբիոնից հարցերին պատասխան չի տա և ընդգծեց, որ եթե կան միջնորդություններ կամ առարկություններ, դրանք պետք է գրավոր ներկայացվեն վարույթն իրականացնող քննիչին, որը ապահովելու է պատշաճ պատասխան։