Բաքվում այսօր կրկին պայքարի մեջ կմտնեն հայ ըմբիշները․ ի՞նչ է հայտնի

Fri, 31 Jul 2026 12:00:41 +0400

Բաքվում այսօր՝ հուլիսի 31-ին, մեկնարկում է ազատ ոճի ըմբշամարտի աշխարհի մինչև 17 տարեկանների առաջնությունը, որին Հայաստանի Մ-17 հավաքականը կմասնակցի 6 ըմբիշով:

Առաջին մրցումային օրը հանդես կգան 48 կգ, 55 կգ, 65 կգ, 80 կգ և 110 կգ քաշային ըմբիշները: Հայաստանի ներկայացուցիչներից պայքարի մեջ կմտնեն Դավիթ Բալեյանը (55 կգ), Էրիկ Պապիկյանը (65 կգ) և Վահե Ասլանյանը (80 կգ), որոնք կմեկնարկեն որակավորման փուլից: Բալեյանը կմրցի լեհ, Պապիկյանը՝ ադրբեջանցի, իսկ Ասլանյանը՝ ռուս մրցակցի հետ:
Հայաստանի Մ-17 հավաքականի կազմում մրցավայր են մեկնել նաև Մուրադ Ղարիբյանը (51 կգ), Գրիշա Գևորգյանը (60 կգ) և Վարուժան Ասլանյանը (71 կգ), որոնք պայքարը կսկսեն օգոստոսի 1-ին:

Հիշեցնենք, որ հունահռոմեական ոճի ըմբշամարտի Հայաստանի Մ-17 հավաքականը Բաքվում կայացած աշխարհի առաջնությանը մասնակցել էր 10 ըմբիշով ու նվաճել 1 ոսկե և 2 բրոնզե մեդալ: Ջանես Նազարյանը (71 կգ) նվաճել էր աշխարհի Մ-17 չեմպիոնի կոչումը, իսկ Արարատ Ավետիսյանը (48 կգ) և Գևորգ Հարությունյանը (51 կգ) դարձել էին բրոնզե մեդալակիր: