Հինգշաբթի , 30 Մայիսի 2024

Փիառային «դեսանտ» Լոս Անջելեսում․ «Փաստ»

«Փաստ» թերթը գրում է.


«Ամերիկայի Միացյալ Նահանգներից «Փաստ» թերթին տեղեկացնում են, որ Հանրային հեռուստատեսությունը «դեսանտ» է իջեցրել Լոս Անջելեսում, ընդ որում՝ բավական «բարձրաստիճան» ներկայացուցչականությամբ:
Նախատեսվում է, որ այս խումբը պետք է պատրաստի հարցազրույցների շարք, որտեղ, ըստ մեր աղբյուրի փոխանցման, առանձին անհատներ սփյուռքահայության անունից պետք է ողջունեն Նիկոլ Փաշինյանի վարած քաղաքականությունը: Հարցազրույցների շարքը հատուկ նպատակ ունի՝ լոսանջելեսահայության շրջանում ակտիվացնել նիկոլականներին, բարձրացնել նիկոլամերձ շրջանակների վարկը: Թեմաները ևս որոշված են՝ ինչո՞ւ Հայաստանի պատմություն և ոչ թե Հայոց, «ԱրարատԱրագած», Չորրորդ հանրապետություն, Արցախի հանձնման արդարացում, հակառուսական դիրքորոշում, արևմտյան կողմնորոշման արդարացում, սփյուռքի ավանդական կառույցների փնովում, դատապարտում և այլն:
 Կան տեղեկություններ, որ այս առիթով Վաշինգտոնից Լոս Անջելես է ժամանել ԱՄՆում ՀՀ դեսպան Լիլիթ Մակունցը: Նկարահանող խմբին արդեն տրված է գովերգող նիկոլականների ցանկը, որը պատրաստվել է սփյուռքի հանձնակատար Զարեհ Սինանյանի կողմից, և Գլենդելում գործող հյուպատոսարանի աշխատակիցներին հանձնարարվել է օգնել «դեսանտայիններին»՝ հաջողելու իրենց առաքելությունը»:
Նյութն ամբողջությամբ՝ թերթի այսօվա համարում։
Source: USAArmenia

Մասին USArmeniaNews.com

Կարդացեք նաև

Բագրատ սրբազանը երթով շարժվում է ՆԳ նախարարություն՝ բացատրություն պահանջելու

«Հիմա գնալու ենք ՆԳ նախարարություն։ Գնալու ենք բացատրություն ստանալու, հարցադրում՝ կատարվածի համար, հասկանալու՝ ներքին գործերին …