Լրահոս – Lrahos Լուրերի անսպառ աղբյուր
Այսօր այցելեցի Հայաստանի Հանրապետությունում Իրանի Իսլամական Հանրապետության դեսպանատուն՝ ցավակցություն հայտնելու Բանդար Աբբաս քաղաքի Շահիդ Ռաջայի նավահանգստում տեղի ունեցած ողբերգական պայթյունի կապակցությամբ։ Տեղում կատարեցի նաև գրավոր ցավակցական գրառում, որի բովանդակությունը ներկայացնում եմ ստորև․
«Լուսավոր Հայաստան կուսակցությունը խորին ցավակցություն է հայտնում Իրանի Իսլամական Հանրապետության Բանդար Աբբաս քաղաքի Շահիդ Ռաջայի նավահանգստում տեղի ունեցած ողբերգական պայթյունի կապակցությամբ, որը ցավալիորեն խլել է բազմաթիվ անմեղ մարդկանց կյանք և բազմաթիվ վիրավորների պատճառ դարձել։
Մեր անկեղծ վշտակցությունն ու զորակցությունն ենք հղում զոհվածների ընտանիքներին՝ կիսելով նրանց անդառնալի կորստի ցավը։ Այս դժվարին պահին մեր համերաշխությունն ենք հայտնում Իրանի բարեկամ ժողովրդին և իշխանություններին՝ հույս հայտնելով, որ վիրավորները կկարողանան հնարավորինս շուտ և լիարժեք ապաքինվել։
Խաղաղություն, կայունություն և անվտանգություն ենք մաղթում ողջ տարածաշրջանի ժողովուրդներին։»
Էդմոն Մարուքյան
Source: USAArmenia
