Անցած ուրբաթ կալանավորված երիտասարդ մոր՝ Լիանա Հարությունյանի 8-ամսական դուստրը քրեակատարողական հիմնարկի պայմանների հետևանքով հիվանդացել է, ահազանգում է փաստաբան Զարուհի Փոստանջյանը: Ըստ պաշտպանի՝ բանտում ոչ միայն համապատասխան մանկական սնունդ չկա, այլև խցում տարրական պայմաններ չկան մանկահասակ երեխայի խնամքն ապահովելու համար:
Աբովյան ՔՀ-ից հերքում են փաստաբանի մեղադրանքները։ «Լիանա Հարությունյանին հատկացվել է երեխաների համար նախատեսված, պատշաճ որակի սնունդ՝ կարտոֆիլի խյուս, բանջարեղեն և կաթի փոշի»,-«Ազատությանը» փոխանցել է Քրեակատարողական ծառայության հանրային կապերի բաժնի պետ Նոնա Նավիկյանը, հավելելով, թե «Աբովյան» քրեակատարողական հիմնարկի մոր և մանկան համար նախատեսված բոլոր խցերը կապիտալ վերանորոգված են, ապահովված 24-ժամյա տաք և սառը ջրով և կահավորված նաև մանկական մահճակալներով»։
Քրեակատարողական հիմնարկից միաժամանակ տեղեկացրել են, որ նորածինը այս պահին երեխան հետազոտություն է անցնում քաղաքացիական բուժհաստատությունում։
3 անչափահասների, այդ թվում՝ 8 ամսական երեխայի մայրը երեք ամսվա կալանքի էր դատապարտվել անցած ուրբաթ՝ Շենգավիթի առաջին ատյանի դատավոր Արշակ Մաթևոսյանը որոշմամբ։ Նա մեղադրվում է Հնդկաստանի 16 քաղաքացիների ապօրինի միգրացիայի կազմակերպմանը օժանդակելու համար, մեղադրանքը չի ընդունում։ Գործով անցնող մյուս բոլոր մեղադրյալները գտնվում են ազատության մեջ։
Երիտասարդ կնոջ փաստաբանը պատրաստվում է վաղը բողոքարկել կալանքի որոշումը: Ընդդիմադիր պատգամավորները հայտարարել են, որ պատրաստ են մանկահասակ երեխաների մոր համար երաշխավորագիր տալ:
Source: USAArmenia
Փաշինյանը ստում է, ինչպես մի միշտ Sat, 18 Apr 2026 23:40:49 +0400 ՓԱՇԻՆՅԱՆԸ ՍՏՈՒՄ Է,…
Ով է քննելու երկվորյակ եղբայրների գործը Sat, 18 Apr 2026 23:13:24 +0400 Ապրիլի 14֊ին հսկող…
«Բոլորին դեմ եմ»-ը ներկայացրել է ընտրական ցուցակի առաջին տասնյակը Sat, 18 Apr 2026 23:10:23 +0400…
Ահաբեկչություն՝ Կիևում․ կան զոհեր Sat, 18 Apr 2026 23:00:55 +0400 Ուկրաինայի Ազգային ոստիկանությունը ապրիլի 18-ին,…
Մայիսի 3-5-ը Երևանում մի շարք ճանապարհահատվածներ փակ կլինեն Sat, 18 Apr 2026 22:45:35 +0400 ՆԳՆ…
Հորմուզի նեղուցով առաջին անգամ տուրիստական նավ է անցել Sat, 18 Apr 2026 22:30:39 +0400 Celestyal…