«Նոան» պատրաստ է պայքարել հաղթանակի համար

Thu, 26 Feb 2026 17:15:27 +0400

Հայաստանի չեմպիոն «Նոան» այսօր՝ փետրվարի 26-ին, ՈւԵՖԱ Կոնֆերենցիաների լիգայի 2025/2026 մրցաշրջանի անցումային փլեյ-օֆֆի պատասխան խաղի շրջանակում կխաղա Նիդերլանդներում «ԱԶ Ալկմարի» դեմ։ Առաջին խաղում «Նոան» հաղթել էր 1:0 հաշվով։

Կայացել է նախախաղային մամուլի ասուլիս, որի ընթացքում լրագրողների հարցերին պատասխանել է հայկական ակումբի գլխավոր մարզիչ Սանդրո Պերկովիչը։ Նա ընդգծեց, որ դիմակայությունը բարդ կլինի, քանի որ մրցակիցը խաղում է սեփական դաշտում և ունի երկրպագուների աջակցությունը։ Պերկովիչը նշեց, որ թիմը հարգում է մրցակցին, բայց վստահ է իր ուժերի վրա և պատրաստ է պայքարել հաղթանակի համար։